Nandigam Suresh : హత్య కేసులో మాజీ ఎంపీ నందిగం సురేశ్ కు రిమాండ్

Nandigam Suresh

Nandigam Suresh : వైసీపీ మాజీ ఎంపీ నందిగం సురేశ్ మరింత చిక్కులో పడ్డారు. ఇప్పటికే టీడీపీ కార్యాలయంపై దాడి కేసులో నిందితుడిగా ఉన్న నందిగం సురేశ్.. వెగపూడిలో మరియమ్మ అనే మహిళ హత్య కేసును కూడా ఎదుర్కొంటున్నారు. తాజాగా, ఈ మహిళ హత్య కేసులో నందిగం సురేశ్ ను పోలీసులు మంగళగిరి కోర్టులో హాజరుపరిచారు. విచారణ అనంతరం కోర్టు సురేశ్ కు అక్టోబరు 21 వరకు రిమాండం విధించింది.

టీడీపీ ఆఫీసుపై దాడి కేసులో అరెస్టయి గుంటూరు జైల్లో ఉన్న నందిగం సురేశ్ ను.. పోలీసులు తాజాగా మహిల హత్య కేసులో అరెస్టు చేశారు. 2020లో తుళ్లూరు మండలం వెలగపూడిలో మరియమ్మ అనే మహిళ హత్యకు గురైంది. ఈ హత్య కేసుకు సంబంధించి ఇటీవల పోలీసులు పీటీ వారెంట్ కోరగా.. కోర్టు అనుమతి ఇచ్చింది.