Rambha daughter : తల్లిని మించిన అందం.. బీచ్ లో రంభ కూతురు ఫొటోలు వైరల్

Rambha daughter : 90లో టాలీవుడ్, కోలీవుడ్ చిత్రాలతో పాటు బాలీవుడ్ లోనూ తన అందం, అభినయంతో అభిమానులను ఆకట్టుకుంది హీరోయిన్ రంభ. బడా హీరోలందరితో సినిమాలు చేసి టాలీవుడ్ ను  ఓ ఊపు ఊపేసింది రంభ. అందం, అభినయంతో తెలుగు టాప్ హీరోయిన్ గా కొన్నేళ్లపాటు తన పేరు నిలబెట్టుకుంది. వరుస చిత్రాలతో సినీ పరిశ్రమలో తనకంటూ ప్రత్యేక గుర్తింపు తెచ్చుకుంది. సూపర్ డూపర్ హిట్లను తన ఖాతాలో వేసుకుంది.

కేవలం పదిహేనేళ్ల వయసులోనే హీరోయిన్ గా ఎంట్రీ ఇచ్చిన రంభ.. అప్పట్లో టాప్ హీరోయిన్ గా వెలుగొందింది. ఫ్యాన్ ఫాలోయింగ్ ను కూడా బాగానే సంపాదించుకుంది. సౌత్ సినిమాలకు గ్లామర్ అద్దిన హీరోయిన్లలో ఒకరిగా రంభ నిలిచింది. బబ్లీ, గ్లామర్ హీరోయిన్‌గా ప్రేక్షకులను గిలిగింతలు పెట్టింది .

1992లో విడుదలైన ‘ఆ ఒక్కటి అడక్కు’ చిత్రంతో టాలీవుడ్ కు పరిచయమైంది.  ఇవీవీ సత్యనారాయణ దర్శకత్వంలో రూపొందిన ఈ సినిమాలో రాజేంద్ర ప్రసాద్ సరసన నటించి తెలుగు ప్రేక్షకుల దృష్టిని ఆకర్షిచింది. ఆ తర్వాత వరుసగా చిరంజీవి, బాలకృష్ణ, వెంకటేష్, నాగార్జు లాంటి స్టార్ హీరోలందరితో సినిమాలు చేసి సూపర్ డూపర్ హిట్లు కొట్టింది. అదే సమయంలో  తమిళ్ లో సూపర్ స్టార్ రజినీకాంత్, అజిత్, విజయ్, హిందీలో సల్మాన్ ఖాన్ లాంటి స్టార్స్ తో తెర పంచుకుంది. అయితే 2010లో కెనడాకు చెందిన వ్యాపారవేత్త ఇంద్రకుమార్ తో వివాహమైంది.

పెళ్లి తర్వాత  సినిమాలకు దూరంగా ఉన్నది. వైవాహిక జీవితాన్ని ఆస్వాదిస్తున్నది. వీరికి  ఇద్దరు అమ్మాయిలు, ఒక బాబు ఉన్నారు.  రంభ ఫ్యామిలీ ఫొటోలు ఎక్కడా  బయటకురాలేదు. తాజాగా రంభ కూతురి ఫోటోలు, వీడియోలు సోషల్ మీడియాలో చక్కర్లు కొడుతున్నాయి. రంభ కూతురు చాలా అందంగా కనిపిస్తున్నది. అచ్చం రంభ ను చూసినట్లే ఉందని కితాబిస్తున్నారు నెటిజన్లు.