Anirudh Ravichander : మరో తెలుగు సినిమాకు సైన్ చేయబోతున్న అనిరుధ్ రవిచందర్

Anirudh Ravichander

Anirudh Ravichander : సౌత్ మ్యూజిక్ డైరెక్టర్లలో అనిరుధ్ రవిచంద్రన్ ప్రస్తుతం మంచి క్రేజ్ లో ఉన్నాడు. ఇండియాలో అత్యధిక పారితోషికం అందుకుంటున్న ఆయన ప్రాజెక్ట్, దాని స్థాయిని బట్టి పారితోషికం గురించి చెప్తాడు. తక్కువలో తక్కువ రూ .7 కోట్ల నుంచి రూ. 10 కోట్ల వరకు ఆయన రెమ్యునరేషన్ ఉంటుంది. ఇటీవల ఎన్టీఆర్ దేవర: పార్ట్ 1 సినిమాకు సంగీతం అందించిన ఆయన ప్రస్తుతం విజయ్ దేవరకొండ VD12 ప్రాజెక్ట్ కు కూడా సంగీతం అందించనున్నారు.

అలాగే శ్రీకాంత్ ఓదెల దర్శకత్వంలో న్యాచురల్ స్టార్ నాని నటించబోయే తర్వాతి సినిమాకు కూడా కమిట్ అయినట్లు సమాచారం. గతంలో జెర్సీ, గ్యాంగ్ లీడర్ సినిమాలకు పనిచేసిన అనిరుధ్ కు నానితో మంచి సాన్నిహిత్యం ఉంది. దసరాకు సంతోష్ నారాయణన్ తో కలిసి పనిచేసిన శ్రీకాంత్ ఓదెల ఈ కొత్త ప్రాజెక్టులో ఆయనతో కలిసి పనిచేయడం లేదు.

ఈ సినిమాకు బ్యాక్ గ్రౌండ్ స్కోర్ కీలకం కావడంతో నాని సూచన మేరకు శ్రీకాంత్ అనిరుధ్ ను సంప్రదించాడు. అనిరుధ్ అయితే బాగుంటుందని నాని భావించాడు. అయితే శ్రీకాంత్ వెనక్కు తగ్గుతాడా? లేదా? అనేది చూడాలి. ఇప్పటికే అనిరుధ్ కు భారీ ప్రాజెక్టులు బాగానే ఉన్నాయి.

అనిరుధ్ రవిచంద్రన్ కు సక్సెస్ మాత్రమే కాదు. ఫెయిల్యూర్ కూడా ఉన్నాయి. భారతీయుడు 2 డిజాస్టర్ కు సంగీతం కూడా కారణమని టాక్ వచ్చింది. ఎప్పుడూ ఏఆర్ రహెమాన్ తో వెళ్లే శంకర్ అనిరుధ్ ను పట్టుకోవడం సినిమాకు మరింత మైనస్ అయ్యిందని టాక్ ఉంది.