Helicopter crashed : టేకాఫ్ అయిన కాసేపటికే కూలిన హెలికాప్టర్.. ముగ్గురి మృతి

Helicopter crashed

Helicopter crashed : టేకాఫ్ అయిన కాసేపటికే హెలికాప్టర్ కూలి ముగ్గురు మృతి చెందారు. ఈ ఘటన మహారాష్ట్రలోని పుణేలో బుధవారం ఉదయం జరిగింది. కొండ ప్రాంతంలో జరిగిన ఈ ప్రమాదంలో ఇద్దరు పైలట్లు సహా ముగ్గురు మృతి చెందినట్లు పంప్రి-చించివాడ్ పోలీసులు తెలిపారు. ఇద్దరు పైలట్లు, ఓ ఇంజనీర్ తో బయలుదేరిన హెలికాప్టర్ ఈరోజు ఉదయం 6.45 గంటల సమయంలో బవధన్ ప్రాంతంలో కూలిపోయిందని పేర్కొన్నారు. అయితే, ఈ హెలికాప్టర్ సంబంధించిన వివరాలు తెలియరాలేదు.

హెలికాప్టర్ కూలిన ప్రదేశంలో భారీగా మంటలు ఎగిసిపడుతున్న దృశ్యాలు మీడియాలో ప్రసారమవుతున్నాయి. ప్రమాద సమాచారం తెలిసిన వెంటనే అగ్నిమాపక సిబ్బంది, పోలీసులు అక్కడకు చేరుకుని సహాయక చర్యలు చేపట్టారు. రెస్క్యూ ఆపరేషన్ కొనసాగుతోందని పోలీసులు తెలిపారు.