Bigg Boss 8 Telugu : నిఖిల్, పృథ్వీకి షాక్.. బిగ్‍బాస్ నుంచి ఈ వారం సోనియా ఎలిమినేట్ ?
Sonia eliminated
Bigg Boss 8 : బిగ్ బాస్ తెలుగు సీజన్ 8.. రసవత్తరంగా సాగుతోంది. 4వ వారంలో ఊహించని విధంగా స్ట్రాంగ్ కంటెస్టెంట్ ఎలిమినేట్ అయ్యే అవకాశం కనిపిస్తోంది. ఈ వారం నామినేషన్లలో ప్రేరణ, ఆదిత్య ఓం, పృథ్వీరాజ్, సోనియా, మణికంఠ, నబీల్ అఫ్రిది ఉన్నారు. ఇంటి నుంచి ఎవరు బయటకు వెళ్తారనేది లీకుల ద్వారా తెలిసిపోయింది. బిగ్ బాస్ నాలుగో వారంలో సోనియా ఆకుల ఎలిమినేట్ అయినట్లు తెలుస్తోంది. అందరికంటే తక్కువ ఓట్లు రావడంతో ఆమె ఎలిమినేట్ అయినట్లు సమాచారం. గేమ్ సరిగా ఆడకపోవడం, గొడవలకు కారణమవుతుందనే నెగిటివ్ అభిప్రాయం సోనియాపై బాగా పెరిగింది. ఈ క్రమంలో గ్రాఫ్ పడిపోయి ఓటింగ్ లో అట్టడుగున నిలిచిందని అంటున్నారు.
రామ్ గోపాల్ వర్మ దర్శకత్వంలో తెరకెక్కిన కరోనా వైరస్ సినిమాలో సోనియా ఆకుల హీరోయిన్ గా నటించింది. దాంతో పాటు మరిన్ని సినిమాల్లో కనిపించారు. ఆ ఫేమ్ తో బిగ్ బాస్ తెలుగు 8వ సీజన్ లోకి అడుగుపెట్టింది. మొదట్లో స్ట్రాంగ్ కంటెస్టెంట్ అనిపించింది. అయితే సోనియా మొదటి నుంచీ ఇంట్లో గొడవలకు కేరాఫ్ అడ్రస్ గా నిలిచింది. మొదట్లో కుక్కర్ విషయంలో సోనియా బేబక్కతో, నారింజ పండు విషయంలో శేఖర్ బాషాతో తీవ్ర వాగ్వాదం జరిగింది. ఆ తర్వాత పలువురితో వాగ్వాదానికి దిగింది. నబీల్, యష్మీ, ఆదిత్య, విష్ణుప్రియ, శేఖర్.. ఇలా చాలా మంది కంటెస్టెంట్స్‌తో గొడవపడ్డారు. ఇతరులను రెచ్చగొట్టేలా చాలాసార్లు మాట్లాడారు. అదే ఆమెకు మైనస్‌గా కనిపిస్తోంది.
బిగ్ బాస్ హౌస్‌లో నిఖిల్, పృథ్వీరాజ్‌లతో సోనియా సన్నిహితంగా ఉంటోంది. హౌసులో చిన్నోడు పెద్దోడు అంటూనే పులిహోర కలుపుతుందని నెటిజన్లు అభిప్రాయపడేలా ప్రవర్తించింది. మిగతా హౌస్‌మేట్స్ ఈ ముగ్గురూ ఒకే గ్రూపు అని నిర్ణయించుకున్నారు. ప్రేక్షకులు కూడా అలాగే భావించారు. ఓ దశలో సోనియా.. నిఖిల్, పృథ్వీలను అస్త్రాలుగా వాడుకున్నారని యష్మీ విమర్శించారు. ఈ నాలుగో వారంలో డబుల్ ఎలిమినేషన్ ఉంటుందనే వార్తలు వినిపిస్తున్నాయి. సోనియా, ఆదిత్య ఓం కూడా ఇంటి నుంచి వెళ్లిపోతారనే అంచనాలు ఉన్నాయి. ఆ తర్వాత సోనియాను సీక్రెట్ రూమ్‌కు పంపిస్తారనే టాక్ వచ్చింది. అయితే సోనియా ఒక్కరే ఎలిమినేట్ అవుతారంటూ తాజాగా లీకులు బయటకు వచ్చాయి. ఈ ఎలిమినేషన్‌పై రేపు (సెప్టెంబర్ 29) ఆదివారం ఎపిసోడ్‌లో క్లారిటీ రానుంది.