Police arrest : ప్రముఖ డాక్టర్ల భార్యలు హాస్పిటల్ ను అడ్డాగా చేసుకొని ఆ పని.. అరెస్ట్ చేసిన పోలీసుులు..

police arrest

police arrest : వారు సమాజంలో గౌరవం ఉన్న వ్యక్తుల భార్యలు. వారిని కూడా సమాజం గొప్ప వారిగానే చూస్తుంది. కానీ వారు చేసిన పని మాత్రం అందరినీ ఆశ్చర్యానికి గురి చేయడమే కాకుండా ఛీ అనిపించింది. గొప్ప వైద్యుల భార్యలు అయ్యుండి కూడా ఆ పని చేసేందుకు మనస్సు ఎలా సహకరించిందంటూ స్థానికులు భగ్గుమన్నారు. వారిని అరెస్ట్ చేసిన పోలీసులు స్టేషన్ కు తీసుకెళ్లారు. దీంతో వారి భర్తులు వైద్యులు పోలీస్ స్టేషన్ కు వెళ్లాల్సి వచ్చింది. నిజామాబాద్ జరిగిన ఈ ఘటన గురించి పూర్తి వివరాలు తెలుసుకుందాం.

హాస్పిటల్ ను అడ్డాగా చేసుకొని కొందరు మహిళలు పేకాడుతున్నారని పోలీసులకు సమాచారం అందింది. దీంతో పోలీసులు వేగంగా స్పందించారు. ప్రాణాలు కాపాడే చోట ఇలాంటి పని ఏంటని వెంటనే హాస్పిటల్ కు వెళ్లారు. తమకు అందించిన సమాచారం ప్రకారమే. నలుగురు మహిళలు పేకాడుతున్నారు. దీంతో పేకాడుతున్న నలుగురు మహిళలను పోలీసులు అరెస్టు చేశారు. సరస్వతీ నగర్ లోని ఒక హాస్పిటల్ నాలుగో అంతస్తులో వీరు జూదం ఆడుతున్నారు.

నిందితుల నుంచి రూ.15 వేల నగదు, సెల్ ఫోన్లు స్వాధీనం చేసుకున్నారు. ఈ నలుగురు మహిళలు ఆ ప్రాంతంలోని ప్రముఖ వైద్యుల భార్యలు. వారి భర్తలు  గౌరవనీయమైన వైద్య వృత్తిలో ఉండడంతో ఈ విషయం కలకలం సృష్టించింది. దీనిపై పోలీసులు దర్యాప్తు కొనసాగిస్తున్నారు. ఆసుపత్రి ఆవరణను చట్టవ్యతిరేక కార్యకలాపాలకు దుర్వినియోగం చేయడంపై కొందరు ఆందోళన చేస్తున్నారు. ఈ నేపథ్యంలో ఈ కేసు అందరి దృష్టిని ఆకర్షించింది.