Signal Error : విమానంలో సాంకేతి లోపం.. తిరుపతిలో దిగకుండానే తిరిగి హైదరాబాద్ లో ల్యాండింగ్

Signal Error in plane

Signal error Flight Landing : హైదరాబాద్ నుంచి తిరుపతి వెళ్తున్న విమానంలో సాంకేతిక లోపం తలెత్తింది. ఒంటిమిట్ట దగ్గర వరకు వెళ్లిన తర్వాత సాంకేతిక లోపం కారణంగా మళ్లీ శంషాబాద్ ఎయిర్ పోర్టులో సేఫ్ గా ల్యాండ్ అయింది. హైదరాబాద్ నుంచి ఉదయం 6.35 గంటలకు బయలుదేరి 7.30 గంటలకు తిరుపతి చేరుకోవాల్సి ఉంది.

సాంకేతిక లోపం వల్ల తిరిగి 8.30 గంటలకు శంషాబాద్ విమానాశ్రయానికి చేరుకుంది. ప్రయాణికులంతా సురక్షితంగా ఉన్నారని సిబ్బంది తెలిపారు. విమానంలో 66 మంది ఉన్నారు. సాంకేతిక లోపం తలెత్తినా ప్రమాదమేమి జరగక పోవడంతో ప్రయాణికులు ఊపిరి పీల్చుకున్నారు.