Bigg Boss 8 Telugu : బిగ్ బాస్ చరిత్రలోనే అత్యంత క్రేజీ ఎపిసోడ్ ఇది
Bigg Boss 8 Telugu
Bigg Boss 8 Telugu: తెలుగు బిగ్‌బాస్ చరిత్రలోనే నిన్నటి ఎపిసోడ్ హైలెట్ అని చెప్పుకోవచ్చు. ఈ ఎపిసోడ్లో కంటెస్టెంట్లు తన్నుకున్నట్లు మిగతా ఏ సీజన్లో జరుగలేదు. దాదాపు అందరూ ఒకరితో ఒకరు పోరాడారు.. కొట్టుకున్నారు. ముఖ్యంగా మహిళా కంటెస్టెంట్లు ఇతరులను కాళ్లతో తన్నడం, తిట్టుకోవడాలు తారాస్థాయికి చేరాయి. ఇలా అనేక రీజన్స్ వల్ల ఎపిసోడ్ ఖచ్చితంగా చరిత్రలో మరుపురానిదిగా ఉంటుంది. అయ్యా బాబోయ్… రేయ్ ఎవర్రా మీరంతా.. అని ప్రేక్షకులు అనుకునేంతలా జరిగింది. నిన్నటి బిగ్ బాస్ హౌస్ ఎపిసోడ్ లో కంటెస్టెంట్లు పొట్టుపొట్టు తన్నుకున్నారు. ముఖ్యంగా ఇద్దరు లేడీ కంటెస్టెంట్స్ ప్రేరణ, విష్ణుప్రియ జుట్లు పట్టుకుని ఛీ.. తూ అంటూ తిట్టుకున్నారు. ఇక ఎప్పటిలాగే పృథ్వీ బూతులతో రెచ్చిపోయాడు. కన్నడ, ఇంగ్లీష్లో బూతులు తిడుతూ కాంతార టీమ్ సభ్యులను అదరగొట్టాడు. నిన్నటి ఎపిసోడ్లో ఏం జరిగిందంటే.. శక్తి టీమ్ ఎక్కువ గుడ్లు సేకరించడంతో కాంతారా టీమ్‌లోని నబీల్‌ని గేమ్ నుండి బయటకుపంపించారు. దీంతో బిగ్ బాస్ ఆదేశాల మేరకు అతడు సంచాలక్ గా వ్యవహరించాడు. గుడ్ల టాస్క్ మళ్లీ ప్రారంభం కాగానే, సోనియా.. కాంతారా జట్టు గుడ్లను దొంగిలించారు. దీంతో శక్తి టీమ్ గుడ్లను కూడా యష్మీ దొంగిలించిందంటూ యష్మీ, నిఖిల్ మధ్య కాసేపు డైలాగ్ వార్ నడుస్తోంది. ఎట్టకేలకు శక్తి టీం 60 గుడ్లు సేకరించగా.. కాంతారా టీం 30 గుడ్లు దక్కించుకోగలిగింది.
తర్వాత ప్రభావతి టస్క్ మరో సారి షురూ అయింది. కానీ అప్పటికే నిఖిల్ రెడ్ ఎగ్ తీసుకుని జేబులో వేసుకున్నాడు. ఇక ఈ గేమ్ లో మరోసారి పృథ్వీ రెచ్చిపోయాడు. ఎగ్స్ ఎవరూ తీసుకోకుండా అందరినీ అడుకుని.. బలవంతంగా తోసేశాడు. దీంతో ఆదిత్య, మణికంఠ ఎందుకు ఇలా అంటూ అడగ్గా.. అమ్మాయిలా ఏడిస్తే ఇక్కడొద్దు వెళ్లిపోండంటూ హెచ్చరించాడు. దీంతో మైండ్ యుఆర్ టంగ్ అంటూ కాసేపు గొడవపడ్డాడు మణికంఠ. ఇక యష్మీ, ప్రేరణను చాలా సేపు కదలకుండా పట్టుకోవడంతో పృథ్వీకి ఒక్కటిచ్చింది ప్రేరణ. దీంతో ఇద్దరి మధ్య కాసేపు గొడవ జరిగింది. ఇక ఆ తర్వాత ఎగ్స్ కోసం నిలబడినప్పుడు విష్ణుప్రియ సీత చేయి చేయి పట్టుకుని ప్రేరణను వెళ్లనివ్వకుండా అడ్డుకున్నారు. దీంతో ప్రేరణ వాళ్ల చేయి పట్టుకుని విడిపించే ప్రయత్నం చేసింది. దీంతో విష్ణుప్రియ ప్రేరణను తోసేసింది. నాతో పెట్టుకుంటే ఇలానే అవుతుంది అంటూ వార్నింగ్ ఇచ్చింది విష్ణుప్రియ. తర్వాత ప్రేరణ కూడా విష్ణును తోసేసింది.
అయితే కాంతారా టీమ్ సభ్యులు కోడిగుడ్లు తీసుకురావడానికి కష్టపడితే.. వాటిని రక్షించడం మానేసి అభయ్ చూస్తూ కూర్చున్నాడు. ఎగ్స్ డిఫెండింగ్‌ను నిలిపివేసి శక్తి జట్టుకు ఛాన్స్ ఇచ్చినట్లు అనిపించింది. దీంతో మణికంఠ తన చీఫ్ అభయ్‌పై మండిపడ్డారు. ఇంత కష్టపడి తెస్తే ఇంత తేలిగ్గా ఎందుకు ఇస్తున్నారు’ అంటూ వాదించాడు. ఒక టీమ్ బుట్టను మరో టీమ్ విసిరేయగా.. ప్రేరణను సీత ఆపడానికి ట్రై చేసింది. ప్రేరణ ఆమెను తన్నడంతో విష్ణు పట్టుకుంది. ఆ కోపంతో ఈ రాక్షసి కూడా వచ్చిందంటూ ప్రేరణ తిట్టడం స్టార్ట్ చేయడంతో.. నువ్వు కాదంటే రాక్షసి.. రాక్షసి దానా అంటూ విష్ణు తిట్టింది. ఇదే సమయంలో ఒకరిపై మరోకరి తూ అంటే ఊసేసుకున్నారు. క్యారెక్టర్ లెస్ అంటూ విష్ణును తిట్టింది ప్రేరణ.. నువ్వు పెద్ద క్యారెక్టర్.. పతివ్రతను మరీ అంటూ విష్ణు కూడా తిట్టింది. మొత్తానికి నిన్నటి ఎపిసోడ్ లో కంటెస్టెంట్స్ జుట్టు పీక్కుంటూ తన్నుకుంటూ ఓ రేంజ్ ఎంటర్ టైన్ మెంట్ చేశారు.