Actress Shakuntala : ప్రముఖ తమిళ నటి శకుంతల కన్నుమూత

Actress Shakuntala

Actress Shakuntala : ప్రముఖ తమిళ నటి శకుంతల (84) కన్నుమూశారు. ఆమె మంగళవారం (సెప్టెంబరు 17) సాయంత్రం ఛాతి నొప్పితో బెంగళూరులో తుది శ్వాస విడిచారు. శకుంత కొంతకాలంగా వృద్ధాప్య సంబంధిత వ్యాధితో బాధపడుతున్నారని కుటుంబ సభ్యులు మీడియాకు తెలిపారు. ఆమె మృతి పట్ల తెలుగు, తమిళ సినీ ప్రముఖులు సోషల్ మీడియా వేదికగా సంతాపం తెలుపుతున్నారు.

శకుంతల బ్యాక్ గ్రౌండ్ డ్యాన్సర్ గా సినీ రంగంలోకి ప్రవేశించి తమిళం, తెలుగు, మలయాళం మరియు కన్నడ చిత్ర పరిశ్రమల్లో 600కి పైగా చిత్రాల్లో నటించింది. సి.ఐ.డి. నేతాజీ (1996), నాన్ వనంగుమ్ దైవం (1963), కాయ్ కొడుతా దైవం (1964)తో సహా పలు ప్రముఖ చిత్రాలకు శకుంతల ప్రసిద్ధి చెందింది. సి.ఐ.డి.లో జైశంకర్ సరసన హీరోయిన్ గా ఆమె నటించింది.శంకర్ (1970) తర్వాత ఆమెను సి.ఐ.డి.అని ముద్దుగా పిలవడం ప్రారంభించారు. ఇకపోతే ‘శకుంతల’ చివరి చిత్రం 1998లో పొన్మానై తేది. అగ్రనటులు ఎంజీఆర్, శివాజీ వంటి లెజెండరీ హీరోలతో శకుంతల స్క్రీన్ షేర్ చేసుకున్నారు. తెలుగులో నాగేశ్వరరావు హీరోగా వచ్చిన ‘బుద్దిమంతుడు’, కృష్ణ నటించిన ‘నేను మనిషినే’ వంటి పలు సినిమాల్లో నటించింది. అయితే ఆమె 2019 వరకు అనేక టెలివిజన్ సీరియల్స్ లో తన నటనను కొనసాగించారు.