Chiranjeevi : చిరంజీవి గన్ పట్టుకొని ఆ పనిచేశాడు.. హీరోయిన్ సుహాసినీ షాకింగ్ కామెంట్స్
Chiranjeevi and Suhasini
Chiranjeevi and Suhasini : చిరంజీవి అంటేనే రీల్ హీరో కాదు అని రియల్ హీరో అని సీనియర్ నటి సుహాసిని తెలిపింది. 1980, 90 ల్లో చిరంజీవితో సుహాసిని చాలా సినిమాల్లో నటించింది. మగమహారాజు అనే సినిమాతో వీళ్లద్దరి కాంబినేషన్ మొదలవగా.. చంటబ్బాయి, ఛాలెంజ్, మంచి దొంగ, ఆరాధన, రాక్షసుడు లాంటి సినిమాలు కలిసి నటించారు.
ఒక సినిమా షూటింగ్ సమయంలో కేరళలో వెళ్తున్నపుడు ముందు కారులో చిరంజీవి, వెనక కారులో నేను, హెయిర్ డ్రెస్సర్, డ్యాన్స్ మాస్టర్ ఉన్నాం. ఆ సమయంలో నలుగురు పోకిరీలు మా కారు వద్దకు వచ్చి బీర్ బాటిల్స్ తో కారు అద్దాలు ధ్వంసం చేశారు. చాలా ఇబ్బందికి గురి చేశారు. ఈ సమయంలో ముందు కారు లో ఉన్న చిరంజీవి నిజమైన హీరోలా వచ్చి గన్ తీసి తాగుబోతులను బెదిరించారు. ఇక్కడి నుంచి వెళ్లకపోతే కాల్చి పారేస్తా అని అనడంతో రౌడీ మూకలు పారిపోయారు.
అలా నన్ను అక్కడి నుంచి కాపాడావు అంటూ చిరంజీవికి వీడియో కాల్ లో విషయాన్ని గుర్తు చేసింది. ఈ విషయం మీకు గుర్తుందా అని చిరును అడగ్గా.. ఓ గుర్తుంది ఎందుకు లేదు చిరు అన్నారు. అందుకే చిరు రీల్ హీరో కాదు.. రియల్ హీరో అని సుహాసిని మెగాస్టార్ ను ఆకాశానికి ఎత్తేసింది. చిరంజీవి, సుహాసిని ఇద్దరు ఇండస్ట్రీలో మంచి ఫ్రెండ్స్ గా కొనసాగుతున్నారు.