NTR VS Ram Charan : ఎన్టీఆర్ వర్సెస్ రామ్ చరణ్.. ఇంకెన్నాళ్లు ఈ ఫ్యాన్స్ మధ్య వార్..

NTR VS Ram Charan

NTR VS Ram Charan Fans War : అభిమానుల మధ్య గొడవలు ఇప్పటిదో, అప్పటిదో కాదు.. ఎప్పటి నుంచో కొనసాగుతుంది. అయితే గతంలో కేవలం రికార్డుల వరకే పరిమితం అయ్యేది. సినిమాను నడిపించేందుకు ఫ్యాన్స్ తల తాకట్టు పెట్టి మరీ అప్పులు చేయడం వరకే ఉండేది. కానీ సోషల్ మీడియా విస్తృతం అయిన తర్వాత రోజు రోజుకూ ఈ వార్ దారుణంగా తయారవుతోంది.

తన అభిమాన హీరో కోసం మరో హీరోను ట్రోల్ చేయడం ప్రస్తుతం జరుగుతుంది. దీంతో సదరు హీరోకు చెందిన మంచి మంచి సినిమాలు కిల్ అవుతున్నాయి. ట్విట్టర్ (ఎక్స్)లో ఫ్యాన్స్ పేజీలు వేలాదిగా ఉంటాయి. హీరోల డిజిటల్ టీములు పనిగట్టకొని ప్రతి ఫ్యాన్ ఫోన్ లోనూ ట్విట్టర్ అకౌంట్ లు ఉండేలా చూస్తాయి. వాటన్నింటిని కలిపి గ్రూపులుగా చేశాయి.

హీరో సినిమా వస్తే ఇలాంటి గ్రూపుల ద్వారా కమ్యూనికేట్ చేస్తూ, వైరల్ చేయడం వరకు బాగానే ఉంది. కానీ ఇప్పుడు ఇవన్నీ మరోలా మారిపోతున్నాయి. ఎదుటి హీరో కంటెంట్ పడిపోవడం చేయడం, సినిమాను పడగొట్టడం వరకు వెళ్లాయి. ఫ్యాన్స్ ను కంట్రోల్ చేసే స్థాయి దాటిపోయింది. ఇప్పుడు ఎవరు ఎవరి కంట్రోల్ లో ఉండడం లేదు. ఈ ఏడాది గుంటూరు కారం నుంచి ఇది మరీ విపరీతంగా పెరిగింది. అర్అర్అర్ తర్వాత నందమూరి- మెగా ఫ్యాన్స్ మధ్య అంతరం పెరిగింది.  దేవర వచ్చింది ఇక ఇప్పుడు గమ్మత్తుగా వ్యతిరేకిస్తారన్న తెలుగుదేశం అనుకూల హ్యాండిల్స్ దేవర కు అనుకూలంగానే ఉన్నాయి. వాటి సామాజిక ఈక్వేషన్లు వారిక ఉండచ్చు. కానీ మెగా ఫ్యాన్స్ ఊరుకోవడం లేదు.

ఇలాంటి నేపథ్యంలో దేవర డిస్ట్రిబ్యూటర్ దిల్ రాజు మెగాఫ్యాన్స్ కు కబురు చేసినట్లు తెలుస్తోంది. ఇప్పుడు మీరు ఇలా చేస్తే రేపు వాళ్లు ‘గేమ్ ఛేంజ‌ర్’ను నెగిటివ్ చేస్తారనే భయాన్ని స్మూత్ గా కమ్యునికేట్ చేస్తున్నట్లు తెలుస్తుంది. పైగా శంకర్ హ్యాండ్  కూడా ఈ మధ్య డల్ అయిపోయింది. ఫ్యాన్స్ అ విషయం పక్కన పెట్టి తమ హీరో మూవీ గురించి ఎక్కువ మాట్లాడినట్లు తెలుస్తోంది. తమ సినిమాకు పీఅర్ వర్క్ సరిగా లేవని, అప్ డేట్లు లేవని ఫ్యాన్స్ ఫిర్యాదు చేసినట్లు తెలుస్తోంది. అన్నీ సెట్ అవుతాయని ‘గేమ్ ఛేంజ‌ర్’ నిర్మాత దిల్ రాజు మాట ఇచ్చినట్లు తెలుస్తోంది.

ఇదిలా ఉంటే ఓ హీరో ఫ్యాన్స్ తమను బెదిరిస్తున్నారని మరో హీరో ఫ్యాన్స్ పోలీసులను కూడా ఆశ్రయిస్తున్నట్లు తెలుస్తోంది. మొత్తానికి టాలీవుడ్ ఓటీటీ గ్రిప్ లోకి మాత్రమే కాదు, ఫ్యాన్స్ ట్రోలింగ్ గ్రిప్ లోకి కూడా హీరోలు వెళ్లిపోయినట్లు కనిపిస్తోంది.