Raging : ర్యాగింగ్ భూతానికి ఇంజనీరింగ్ విద్యార్థి బలి

raging : అన్నమయ్య జిల్లా కలికిరి జేఎన్టీయూ ఇంజనీరింగ్ కాలేజీలో దారుణం జరిగింది. ర్యాగింగ్ భూతానికి ఓ విద్యార్థి ఆత్మహత్య చేసుకున్నాడు. పోలీసులు తెలిపిన ప్రకారం.. వైస్సార్ జిల్లా మైదుకూరు మండలం జీవీ సత్రానికి చెందిన ప్రవీణ్ కుమార్ (19) పాలిటెక్నిక్ కోర్సు పూర్తి చేసి ఈ ఏడాది కలికిరి జేఎన్టీయూ ఇంజనీరింగ్ కళాశాల మెకానికల్ విభాగం సెకండియర్ లో చేరాడు. ఈ క్రమంలో సీనియర్ విద్యార్థులు ర్యాగింగ్ చేయడంతో తీవ్ర మనస్తాపానికి గురై ఈ నెల 23న ఇంటికి వెళ్లిపోయాడు.

ర్యాగింగ్ విషయాన్ని తల్లిదండ్రులకు చెప్పలేక మనోవేదన చెంది ఈ నెల 26న పురుగుల మందు తాగాడు. కుటుంబ సభ్యులు గుర్తించి తిరుపతి స్విమ్స్ కు తరలించగా చికిత్స పొందుతూ గురువారం మృతి చెందాడు. పోలీసులు కేసు నమోదు చేసిన మైదుకూరు పోలీసులు కలికిరి పోలీసులతో కలిసి దర్యాప్తు చేస్తున్నారు.