Om Raut : నోరు జారి బుక్కయిన ఓం రౌత్.. ఆటాడుకుంటున్న మీమర్లు.
Om Raut and Prabhas
Om Raut : తొలి సినిమా తానాజీ దేశ వ్యాప్తంగా మంచి గుర్తింపు తెచ్చుకున్నాడు ఓం రౌత్. పీరియాడికల్ డ్రామాతో తెరకెక్కిన ఈ సినిమా మంచి ఆదరణ పొందింది. దేశ వ్యాప్తంగా సంచలన విజయం సాధించింది. యాక్షన్ స్టార్ అజయ్ దేవ్ గన్ కు మంచి పేరు తెచ్చింది. ఈ సినిమా తర్వాత కొన్నేళ్లకు రెబల్ స్టార్ ప్రభాస్ తో చేసిన ఆదిపురుష్ సినిమా ఎనలేని దెబ్బకొట్టింది.
ఆదిపురుష్ సినిమా ప్రారంభం నుంచే మంచి హైప్ వచ్చింది. కానీ ట్రైలర్ రిలీజ్ నుంచే విమర్శలకు గురైంది. రాముడిగా ప్రభాస్ లుక్ పై తీవ్ర విమర్శలు వచ్చాయి. అలాగే రావణుడిగా సైఫ్ అలీఖాన్ ఎంపిక కూడా కరెక్ట్ కాదనే వాదనలూ వినిపించాయి. ఇక వీఎఫ్‌ఎక్స్ పరంగా ట్రోల్స్ కు గురైంది. ఈ సినిమా తర్వాత మళ్లీ బయటకు రాలేదు ఓంరౌత్ ఇటీవల
ఇటీవల ఓ ఇంటర్వ్యూలో ఓం రౌత్ మాట్లాడారు. ఇండియన్ సినిమాలో సల్మాన్ ఖాన్, ప్రభాస్ ‘ఫ్లాప్ ప్రూఫ్’ స్టార్స్ అని పేర్కొన్నారు. ప్లాఫ్ లు ప్రభాస్ స్టార్‌డమ్‌పై ఎలాంటి ప్రభావం చూపబోవని పేర్కొన్నారు. తమ సినిమా ప్లాఫ్ అయినా బాక్సాఫీస్ వద్ద 400 కోట్లు వసూలు చేసిందని చెప్పుకొచ్చారు. దీంతో నెటిజన్లు ఓం రౌత్ ను సోషల్ మీడియాలో ట్రోల్ చేస్తున్నారు. ఓం రౌత్ కు స్టార్‌డమ్‌ను ఎలా ఉపయోగించుకోవాలో తెలియదంటూ ట్రోల్ చేస్తున్నారు. 400 కోట్లు సరే. నష్టపోయిన 200 కోట్ల సంగతేంటో చెప్పాలంటున్నారు. రూ. 600 కోట్ల బడ్జెట్‌తో తెరకెక్కిన ఈ సినిమా 200 కోట్లకు పైగా నష్టాలను మూటగట్టుకుంది. ఓం రౌత్ పై సోషల్ మీడియాలో ట్రోల్స్ వెల్లువెత్తుతున్నాయి. ఓం రౌత్ ను ఇంటర్నెట్‌లో ‘మీమ్-మీల్’గా మార్చాయి.