Monkeypox : మంకీపాక్స్ ఆర్టీ-పీసీఆర్ కిట్.. ఆవిష్కరించిన సీఎం చంద్రబాబు

Monkeypox

Monkeypox : ఎంపాక్స్ (మంకీపాక్స్) వ్యాధి నిర్ధారణకు ఏపీ మెడ్ టెక్ జోన్ అభివృద్ధి చేసిన ఆర్టీ-పీసీఆర్ కిట్ ‘ఎర్బాఎండీఎక్స్’ను ఏపీ సీఎం చంద్రబాబు నాయుడు ఆవిష్కరించారు. మెడ్ టెక్ తమ భాగస్వామి ట్రాన్సేషియా డయాగ్నస్టిక్స్ ప్రైవేట్ లిమిటెడ్ తో కలిసి ఈ కిట్ ను తయారు చేసింది. ఈ విషయాన్ని సీఎం చంద్రబాబు ఎక్స్ వేదికగా పంచుకున్నారు.

మంకీపాక్స్ ఆర్టీ-పీసీఆర్ కిట్ ప్రపంచ వేదికపై ‘మేక్ ఇన్ ఏపీ’ ఖ్యాతిని ఘనగా చాటుతోందన్నారు. ఈ సందర్భంగా ఈ కిట్ తయారీ బృందాన్ని సీఎం అభినందించారు. కిట్ లోని లయోఫయలైజ్డ్ కాంపోనెంట్స్ రవాణాకు అనుకూలంగా ఉన్నాయని, అంటువ్యాధుల్ని సమర్థంగా ఎదుర్కోవడంలో ప్రభుత్వ సన్నద్ధతను ఈ కిట్ చాటుతోందని పేర్కొన్నారు.