RTC bus : ఆర్టీసీ బస్సులో రూ.1.50 కోట్ల హాష్ ఆయిల్ స్వాధీనం

RTC bus

RTC bus : హాష్ ఆయిల్ సప్లై చేస్తున్న అంతరాష్ట్ర ముఠా సభ్యులు ఇద్దరిని రాచకొండ పోలీసులు అరెస్టు చేశారు. వారి నుంచి కోటి 52 లక్షల రూపాయల విలువ చేసే 10.2 కేజీల హాష్ ఆయిల్ స్వాధీనం చేసుకున్నారు. హాష్ ఆయిల్ రవాణా చేస్తున్న నిందితులు గోవిందరావు, రాంబాబులు ఏపీకి చెందినవారిగా పోలీసులు గుర్తించారు. అల్లూరి సీతారామరాజు జిల్లా నుంచి హాష్ ఆయిల్ ఆర్టీసీ బస్సులో తరలిస్తున్నారు. పక్కా సమాచారంతో పోలీసులు వారిని పట్టుకున్నారు. ఇద్దరు నిందితులు ఏపీలో తయారు చేసి తెలంగాణకు తీసుకొచ్చి ఇక్కడ అమ్ముతున్నట్లు గుర్తించారు. ఈ కేసులో గోవిందరావు, రాంబాబుకు సహకరించిన మరో ఇద్దరు పరారీలో ఉన్నారని చెప్పారు. 480 కేజీల గంజాయి మరిగించి 10 లీటర్ల హాష్ అయిల్ తయారు చేశారని పోలీసులు తెలిపారు. డీసీపీ భువనగిరి ఎస్ఓటీం ఎఫర్ట్స్ పెట్టీ వీరిని పట్టుకున్నారు.

మరోవైపు వైజాగ్ వెజిటేబుల్ మార్కెట్ నుంచి ఉల్లిగడ్డ లోడ్ లో గంజాయి సరఫరా చేస్తున్న అంతరాష్ట్ర ముఠాను పోలీసులు పట్టుకున్నారు. నాసిక్ మహారాష్ట్ర రోడ్డు మార్గం మీదుగా 60 కిలోల గంజాయిని మారుతి స్విఫ్ట్ కారులో హైదరాబాద్ కు సరఫరా చేస్తున్నారు. సమాచారం అందుకున్న పోలీసులు ఇబ్రహీంపట్నంలో పట్టుకొని మహారాష్ట్రకు చెందిన వాల్మీకి, దేవం చౌహాన్ ను అరెస్టు చేశారు.