Deputy CM Pawan Kalyan : సీఎం చంద్రబాబు దగ్గర నేర్చుకోవడానికి నేను సిద్ధం : డిప్యూటీ సీఎం పవన్ కల్యాణ్

Deputy CM Pawan Kalyan : పరిపాలన దక్షత ఉన్న సీఎం చంద్రబాబు దగ్గర నేర్చుకోవడానికి తాను సిద్ధంగా ఉన్నానని డిప్యూటీ సీఎం పవన్ కల్యాణ్ అన్నారు. ఒకటో తారీఖున జీతాలిస్తున్నారంటే అదీ చంద్రబాబు గారి అనుభవం, ఆర్థికశాఖపై ఉన్న పట్టు అని చెప్పారు. నాకన్నా బాగా రాష్ట్రం కోసం పనిచేసే వారి వెంట నడవటానికి నేను ఎప్పుడూ రెడీ అని డిప్యూటీ సీఎం పవన్ కల్యాణ్ వెల్లడించారు. అప్పుల్లో ఉన్న రాష్ట్రాన్న గట్టెక్కించగలిగేది ఒక్క చంద్రబాబే. లక్షల మందికి ఒకటో తేదీనే పింఛన్లు ఇవ్వగలిగారని అన్నారు. అన్నమయ్య జిల్లా రైల్వేకోడూరు మండలం మైసూరువారిపల్లెలో స్వర్ణ గ్రామపంచాయతీ పేరిట నిర్వహించిన గ్రామసభలో పవన్ పాల్గొని మాట్లాడారు.

ప్రజల కోసం కూలీ మాదిరిగా పనిచేసేందుకు తాను సిద్ధమని ప్రకటించారు. ప్రజలకు కష్టమొస్తే అండగా ఉంటానని, పదవి నాకు అలంకాం కాదన్నారు. బాధ్యతగా ఉంటానని చెప్పారు. ప్రతి పంచాయతీకి సొంత భూమి ఉండాలని అన్నారు. ఈ సందర్భంగా మైసూరువారిపల్లె పంచాయతీకి 10 సెంట్ల స్థలం అందించిన రైతు కారుమంచి నారాయణను ఈ సందర్భంగా డిప్యూటీ సీఎం పవన్ అభినందించారు.