Malayalam thriller : మలయాళ థ్రిల్లర్.. ఇప్పుడు తెలుగులో..

Malayalam thriller

Malayalam thriller : ఓటీటీ పరిధి విస్తృతం అయినప్పటి నుంచి ప్రాంతీయ సినిమాల మధ్య దూరం చాలా వరకు తగ్గింది. ఏ భాషలో వచ్చిన సినిమా అయినా.. మరో భాషలో రిలీజ్ చేయాలంటే ఓటీటీలు డబ్బింగ్ చేయించుకొని స్ట్రీమింగ్ చేస్తున్నాయి. అలా చాలా వరకు ఇతర భాషల సినిమాలు చూసే అవకాశం కలుగుతుంది.

ఓటీటీల వల్ల బోలెడు ఉపయోగాలున్నాయి. అందుకు తగ్గట్లే పలు భాషల్లో డబ్బింగ్ సినిమాలన్నీ నేరుగా స్ట్రీమింగ్ అయిపోతున్నాయి. అలా ఆహా ఓటీటీలోకి ఇప్పుడు ఇంట్రెస్టింగ్ సస్పెన్స్ థ్రిల్లర్ మూవీ స్ట్రీమింగ్ లోకి వచ్చింది. గతేడాది విడుదలైన ‘నల్ల నిళవుల రాత్రి’ చిత్రాన్ని ‘కాళరాత్రి’ అనే టైటిల్ తో డబ్ చేసి డైరెక్ట్ ఓటీటీలోకి తెస్తున్నారు.

బాబు రాజ్, చెంబన్ వినోద్ లీడ్ రోల్స్ పోషించిన ఈ సినిమా ‘కాళరాత్రి’ ఆగస్టు 17 (శనివారం) ఓటీటీలో స్ట్రీమింగ్ లోకి రానుంది. ఈ సినిమాకు మర్ఫీ దేవసి దర్శకత్వం వహించారు. ఒరిజినల్ లో యావరేజ్ టాక్ సంపాదించుకుంది. కానీ తెలుగులో అది కూడా నేరుగా ఓటీటీలోకి వచ్చేస్తుంది. కాబట్టి వీకెండ్‌లో మంచి సినిమా అవుతుందని ఓటీటీ ప్రియులు అంటున్నారు.

ఇక, ‘కాళరాత్రి’ సినిమా విషయానికొస్తే.. ఓ స్నేహితుల బృందం. తక్కువ ధరకు వస్తుందని 266 ఎకరాల తోట కొనేందుకు వెళ్తారు. అక్కడికి వెళ్లి పరిశీలించాక తోట మధ్యలో గెస్ట్ హౌస్ ఉంటుంది. కాసేపు మాట్లాడుకుంటూ అక్కడే పార్టీ చేసుకంటారు. అనూహ్య ఘటనలు జరగడంతో వీరిలో కొందరు చనిపోతారు. ఇంతకీ ఆ హత్యలకు కారణం ఎవరు..? అలా వారు ఎందుకు చనిపోతున్నారు అనేదే కథనం. సస్పెన్స్ థ్రిల్లర్స్ ఇష్టపడేవాళ్లకు ఇది మంచి సినిమా అవుతుంది.