Prabhas Hanu మూవీ ప్రారంభం.. భారీ బడ్జెట్ తో రాబోయే ఈ సినిమాలో హీరోయిన్ ఎవరంటే?

Prabhas Hanu : ప్రభాస్, దర్శకుడు హనురాఘవపూడి, ప్రముఖ నిర్మాణ సంస్థ మైత్రీ మూవీ మేకర్స్ కాంబోలో భారీ చిత్రం తెరకెక్కనుంది. 1940లలో జరిగిన ఘటనల నేపథ్యలో ఈ చిత్రాన్ని తెరకెక్కిస్తున్నాడు దర్శకుడు. మాతృభూమి కోసం పోరాటం చేసే ఒక యోధుడి కథను చిత్రంగా మలుస్తున్నారు. చరిత్ర మరచిపోయిన అన్యాయాలు, దాగి ఉన్న సత్యాలను వెలికితీసేందుకు, పరిష్కరించడానికి యుద్ధమే ఏకైక మార్గం అని నమ్మే సమాజం నుంచి అతను వస్తాడని స్టోరీ లైన్ వివరించారు హను.

ఈ చిత్రం #PrabhasHanu ఒక పాన్-ఇండియా వెంచర్‌గా నిర్మిస్తున్నారు. ఇందులో భారీ తారాగణం ఉండబోతోందని మేకర్స్ చెప్పారు వివిధ విభాగాల్లో టాప్ టెక్నీషియన్లతో భారీ బడ్జెట్‌తో మూవీ రూపొందుతోంది. కొత్త నటి ఇమన్వి కథానాయికగా ఎంపికవగా, మిథున్ చక్రవర్తి, జయప్రద కీలక పాత్రల్లో కనిపించనున్నారు.

నవీన్ యెర్నేని, వై రవిశంకర్ నిర్మిస్తున్న ఈ చిత్రానికి సుదీప్ ఛటర్జీ ISC సినిమాటోగ్రఫీ అందించగా, విశాల్ చంద్రశేఖర్ సౌండ్‌ట్రాక్ అందించనున్నారు. ఇంకా టైటిల్ ఖరారు చేయని ఈ సినిమాకు సంబంధించి
మరిన్ని వివరాలు తర్వాత వెల్లడి కానున్నాయి.

సీతా రామం తర్వాత హను రాఘవపూడి ఈ సినిమాను తెరకెక్కిస్తున్నారు. ఇందులో హీరోయీన్ గ ఇమాన్వి నటించబోతోంది. అందం అభినయం కలగలిసిన ముద్దుగుమ్మ ఇమ్మాన్వీ. చూడడంతోనే ఆకట్టుకునే అందం ఆమె సొంతం.

ఎవరూ ఇమాన్వీ..
షూట్ పిక్స్ చూసిన చాలా మంది హీరోయిన్ ఎవరా? అని సెర్చ్ చేస్తున్నారు. దీంతో ఆమె పెద్ద ట్రెండింగ్ గా మారింది. ఆమె అందం ఆమెను అలా చూపించింది. టాలీవుడ్ లో పెద్ద స్టార్ అవుతుందని టాక్ కూడా మొదలైంది. తన సినిమాలో హీరోయిన్స్ చాలా అందంగా చూపిస్తాడని హనుకు గుర్తింపు ఉంది. ఇది ఇమాన్వికి ప్లస్ కానుంది. ఆమె తెరంగేట్రం కంటే ముందే బాగా ఫేమస్ అయ్యేలా కనిపిస్తుంది.

పాకిస్తానీ మూలాలున్న ఇమాన్వి ఢిల్లీలో సెటిల్ అయింది. ఆమె డ్యాన్సర్, నటి. సోషల్ మీడియాలో విపరీతమైన ఫాలోయింగ్ ఉంది. ఈ చిత్రం సుభాష్ చంద్రబోస్ పాలనలో జరిగే పీరియాడికల్ డ్రామా.. అని ఈ ప్రేమకథలో ప్రభాస్ ఆర్మీ మెన్‌గా కనిపిస్తాడని అంటున్నారు.

మైత్రీ మూవీ మేకర్స్ ఈ చిత్రాన్ని భారీ బడ్జెట్ తో తీసుకురాబోతోంది. ఇందుకు రామోజీ ఫిల్మీ సిటీలో భారీ సెట్లు వేసి చిత్రాన్ని నిర్మించనున్నారు.