Aadikeshava : ఆదికేశవ మూడు రోజుల్లో రాబట్టింది ఇంతేనా.. శ్రీలీల ఖాతాలో మరో ప్లాప్..?

Aadikeshava

Aadikeshava : మెగా హీరోల్లో ఒకరైన వైష్ణవ్ తేజ్ మొదటి సినిమాతోనే బ్లాక్ బస్టర్ హిట్ అందుకుని తనకంటూ స్పెషల్ ఫాలోయింగ్ ఏర్పరుచుకున్నారు. ఉప్పెన వంటి సినిమాలో ఇతడి నటన చూసి మరో మెగా హీరో స్టార్ హీరో అయ్యే ఛాన్స్ ఉందని మెగా ఫ్యాన్స్ సంబర పడ్డారు.. కానీ ఆ తర్వాత అంత రివర్స్ అయ్యింది.

వరుసగా ప్లాపులను మాత్రమే చవి చూస్తున్నాడు.. ఇక ఇప్పుడు తన 4వ సినిమాతో ప్రేక్షకుల ముందుకు వచ్చాడు.. వైష్ణవ్ తేజ్, శ్రీలీల జంటగా నటించిన లేటెస్ట్ మూవీ ”ఆదికేశవ”.. ఈ సినిమా మొన్న శుక్రవారం ప్రేక్షకుల ముందుకు వచ్చింది. ముందు నుండి సాంగ్స్, టీజర్, ట్రైలర్ ఆకట్టుకోవడంతో హిట్ అవుతుందని అనుకున్నారు.

కానీ మిశ్రమ స్పందన తెచ్చుకున్న ఈ సినిమా హాలిడేస్ లో కూడా ప్రభావం చూపలేక పోతుంది. మొదటిసారి వైష్ణవ్ తేజ్ మాస్ ఇమేజ్ కోసం ట్రై చేసాడు.. లవ్, రొమాన్స్ తో పాటు యాక్షన్ కూడా ఉన్నప్పటికీ రోటీన్ కథాంశంతో సినిమా ఉండడంతో మిక్స్డ్ టాక్ తెచ్చుకుంది.

వీకెండ్ లో కూడా కలెక్షన్స్ పుంజుకోక పోవడంతో ఇది ప్లాప్ లిస్టులో చేరిపోయింది.. ఈ సినిమా మూడు రోజుల్లో కేవలం 1.6 కోట్ల షేర్,  3 కోట్ల గ్రాస్ వసూళ్లు రాబట్టింది.. ఆదికేశవ వరల్డ్ వైడ్ గా 8.5 కోట్ల బిజినెస్ చేయగా 9 కోట్ల బ్రేక్ ఈవెన్ టార్గెట్ తో బరిలోకి దిగింది.. మరి మూడు రోజుల్లో సగం కూడా రాబట్టలేక పోయింది.. దీంతో వైష్ణవ్ ఖాతాలోనే కాదు శ్రీలీల ఖాతాలో కూడా మరో ప్లాప్ చేరిపోయింది.