Tamil Rockers : ‘తమిళ్ రాకర్స్’ అడ్మిన్ అరెస్టు

Tamil Rockers Admin

Tamil Rockers : కొత్త సినిమాలను పైరసీ చేసి ఇంటర్నెట్ లో అప్ లోడ్ చేసీ ‘తమిళ్ రాకర్స్’కు కేరళ పోలీసులు షాకిచ్చారు. ‘తమిళ్ రాకర్స్’ పైరసి గ్రూప్ అడ్మిన్ ని కేరళలో పోలీసులు చాకచక్యంగా అరెస్టు చేశారు. మధురైకి చెందిన జెఫ్ స్టీఫన్ రాజ్ థియేటర్లలో కొత్తగా విడుదలయ్యే సినిమాలను పైరసీ చేసి అక్రమంగా వెబ్ సైటుల్లో విడుదల చేస్తున్న ‘తమిళ్ రాకర్స్’ అడ్మిన్ ను కేరళ రాష్ట్రం తరువనంతపురంలోని థియేటర్ లో నటుడు ధనుష్ ‘రాయన్’ సినిమాను సెల్ ఫోన్ లో రికార్డు చేస్తుండగా ఆదివారం పోలీసులు అరెస్టు చేశారు. పోలీసుల దర్యాప్తులో 12 మంది కలిసి పనిచేస్తున్నట్లు సమాచారం.

నటుడు పృథ్వీరాజ్ నటించిన ‘గురువాయూర్ అంబలనడైయిల్’ అనే మలయాళ సినిమా గత మే నెలలో విడుదలయిన మొదటి రోజే తమిళ్ రాకర్స్ వెబ్ సైట్ లో పెట్టారు.    దీంతో సినిమా నిర్మాతల ఫిర్యాదు ఆధారంగా కేసు నమోదు చేసి పోలీసులు దర్యాప్తు ప్రారంభించారు. నిందితుడిని పట్టుకునేందుకు పోలీసులు చాకచక్యంగా వ్యవహరించారు. తమిళ్ రాకర్స్ వెబ్ సైట్ మాత్రమే కాకుండా టెలిగ్రామ్ లో కూడా అతను సినిమాలను విడుదల చేస్తున్నట్లు తెలిసింది. అరెస్టయిన జెఫ్ స్టీఫన్ రాజ్ ను పోలీసులు ఐదు రోజుల కస్టడీకి తీసుకుని దర్యాప్తు చేస్తున్నారు.