Rowdy Star : రౌడీ స్టార్ నయా మూవీ ఫొటో లీక్‌.. నెట్టింట రచ్చ రచ్చ!
Rowdy Star
Rowdy Star : టాలీవుడ్ రౌడీ స్టార్ విజయ్ దేవరకొండ కు యూత్‌లో మంచి క్రేజ్ ఉన్న విషయం అందరికీ తెలిసిందే. ఎలాంటి బ్యాక్‌గ్రౌండ్‌ లేకుండా టాలీవుడ్‌లోకి అడుగుపెట్టిన ఈ విజయ్ దేవరకొండ ‘అర్జున్‌ రెడ్డి’ (Arjun Reddy) సినిమాతో ఒక్కసారిగా ఇండస్ర్టీ దృష్టిని ఆకర్షించాడు. ‘పెళ్లిచూపులు’, ‘టాక్సీవాలా’, ‘గీత గోవిందం’ వరుస విజయాలతో స్టార్ హీరోగా ఎదిగాడు. గత కాలంగా విజయ్‌కు ఏదీ కలిసి రావడం లేదు. విజయ్ చేసిన గత మూడు చిత్రాలు ‘లైగర్‌’, ‘ఖుషీ’, ‘ఫ్యామిలీ స్టార్’ డిజాస్టర్లుగా మిగిలాయి. దీంతో ప్రస్తుతం చేస్తున్న ‘VD12’ చిత్రంపై విజయ్‌తో పాటు అతడి ఫ్యాన్స్ ఎన్నో హోప్స్ పెట్టుకున్నారు. తాజాగా ఈ మూవీ సెట్‌ నుంచి విజయ్ కు సంబంధించిన ఫొటో లీకైంది. ఇందులో విజయ్ దేవరకొండ మాస్ లుక్‌ చూసి ఫ్యాన్స్ ఫిదా అవుతున్నారు.
రౌడీస్టార్ పిక్‌ వైరల్‌!
విజయ్ దేవరకొండ హీరోగా గౌతమ్‌ తిన్ననూరి వీడీ12 తెరకెక్కిస్తున్నారు. స్పై థ్రిల్లర్‌ నేపథ్యంలో రూపొందిస్తున్న ఈ సినిమా షూటింగ్‌ ప్రస్తుతం శ్రీలంకలో జరుగుతున్నట్లు సమాచారం. అయితే షూటింగ్‌ సెట్‌ నుంచి విజయ్ దేవరకొండకు సంబంధించిన ఫొటో సోషల్ మీడియాలో దర్శనమిచ్చింది. ఇందులో బైక్‌పై వెనక కూర్చుని విజయ్ మాసీ లుక్‌లో కనిపిస్తున్నాడు. తలపై లైట్‌ హెయిర్‌, ముఖాన గడ్డంతో ఆకట్టుకుంటున్నాడు. ఈ ఫొటో చూసిన విజయ్ దేవరకొండ ఫ్యాన్స్‌తో ఆనందంతో ఊగిపోతున్నారు. మరో బ్లాక్‌బాస్టర్‌ లోడింగ్ అంటూ ఫ్యాన్స్ కామెంట్స్‌ చేస్తున్నారు. ఈ ఫొటోను సోషల్ మీడియాలో విపరీతంగా షేర్‌ చేస్తూ నెట్టింట రచ్చ రచ్చ చేస్తున్నారు.
బాక్సాఫీస్ బద్దలే!
‘వీడీ-12’ చిత్రానికి అనిరుధ్‌ రవిచంద్రన్‌ సంగీతం అందిస్తున్నారు. విజయ్ మాస్‌లుక్‌కు అనిరుధ్‌ బ్యాక్‌ గ్రౌండ్‌ స్కోరు జత కూడితే థియేటర్లు బద్దలు కావాల్సిందేనని నెటిజన్లు సోషల్ మీడియాలో కామెంట్స్‌ చేస్తున్నారు. అంతేకాదు ‘VD 12’లో విజయ్ లుక్‌ ‘యువ’ సినిమాలో హీరో మాధవన్‌ క్యారెక్టర్ గుర్తుకు వస్తున్నదంటూ పోస్టులు పెడుతున్నారు. ఈ మూవీలో విజయ్ తో భాగ్యశ్రీ బోర్సే రోమాన్స్ చేయబోతున్నట్లు సమాచారం. తొలుత ఈ మూవీలో శ్రీలీలను హీరోయిన్‌గా ఎంపిక చేశారు. కానీ ఆమె ప్లేస్‌లో భాగ్యశ్రీ వచ్చినట్లుతెలుస్తోంది. ప్రస్తుతం భాగ్యశ్రీ కూడా షూటింగ్‌లో పాల్గొంటున్నట్లు టాలీవుడ్‌లో టాక్‌.