Aadi : ఎమ్మెల్సీ పదవి ఆఫర్ పై ఆది రియాక్షన్ ఇదే..
Aadi : పవన్ కళ్యాణ్‌ తనకు ఎమ్మెల్సీ పదవి ఆఫర్ చేస్తున్నారనే వార్తలపై నటుడు హైపర్ ఆది స్పందించారు. తనకు పవన్ కల్యాన్ ఆనందమే ముఖ్యమని చెప్పారు.
హైపర్ ఆది.. సినిమాల్లోకి రాకముందు నుంచే పవన్ కళ్యాణ్‌కి వీరాభిమాని. జబర్ధస్త్ షోలో రావడానికి ముందు పవన్ కల్యాణ్ నటించిన అత్తారింటికి దారేది సినిమాలోని రైల్వే స్టేషన్ ఎపిసోడ్ స్పూఫ్ తో ఆకట్టుకున్నాడు. ఆ స్పూఫ్ తోనే జబర్ధస్త్ లో అదిరే అభి టీమ్ లో అవకాశం దక్కించుకున్నాడు. ఇక తన ప్రతి ఎపిసోడ్ లో ఏదో ఒక విధంగా పవన్ కల్యాణ్ కు సంబంధించి చిన్న అంశంపైనా తన స్ర్కిప్ట్ లో వచ్చేలా చూసుకుంటాడు. పవన్ కల్యాన్ పట్ల అంతలా ప్రభావితమై పోయాడు ఆది.
మొన్నటి ఏపీ అసెంబ్లీ ఎన్నికల్లో జనసేన తరఫున హైపర్ ఆదితో పాటు పలువురు జబర్దస్త్ నటులు క్యాంపెయిన్ చేసిన విషయం తెలిసిందే. జనసేనలో పార్టీ ఫుల్ టైమ్ పొలిటిషన్ల కన్నా హైపర్ ఆది అప్పటి అధికార పార్టీకి కౌంటర్లు వేశారు. పవన్ కల్యాన్ పై వచ్చిన విమర్శలను సమర్థవంతంగా తిప్పి కొట్టాడు. ఎన్నికలు అయిపోయే దాకా ఆది జనసేన కోసం తన పూర్తి సమయం కేటాయించాడు. టీడీపీ కూటమి అధికారంలోకి రావడం, పవన్ కల్యాణ్ డిప్యూటీ సీఎంగా పదవి చేపట్టిన విషయం తెలిసిందే. ఇక ఆది మళ్లీ తన షోలతో బిజీ అయిపోయాడు. అలాగే వరుస సినిమాలతోనూ మెప్పించేందుకు రెడీ అవుతున్నాడు.
ఓ సినిమా ఈవెంట్ కు వెళ్లిన హైపర్ ఆదిని మీడియా ప్రతినిధులు అడిగిన ప్రశ్నలకు సమాధానాలిచ్చాడు. పవన్ కళ్యాణ్‌ కోసం ఎన్నికల ప్రచారం నిర్వహించానని, ఆయన గెలవడం తనకు ఎంతో సంతోషంగా ఉందన్నారు. ఇప్పుడు పాలనలో ముఖ్య పాత్ర పోషించడం మరింత సంతోషంగా ఉందని చెప్పారు. పవన్ కల్యాన్ ఎమ్మెల్సీ పదవి ఆఫర్ చేశారని ప్రశ్నించగా అలాంటిదేమీ లేదని స్పష్టం చేశారు. పవన్ కళ్యాణ్‌ అంటే తనకు ఎంతో ఇష్టమని, ఆయన ఆనందంలో ఉన్నప్పుడు దూరం నుంచి చూడడం, బాధలో ఉన్నప్పుడు దగ్గరి నుంచి చూడటం ఇష్టమని చెప్పారు. అంతకు మించి ఏమీ ఆశించడం లేదని స్పష్టం చేశారు.