Kalki : మరో రికార్డును ఖాతాలో వేసుకున్న ‘కల్కి’.. ఈ సారి ఆ భారీ సినిమా కలెక్షన్లను అధిగమించి..
Kalki
Kalki Records : ‘కల్కి 2838 ఏడీ’ ఇండియాలోనే కాదు.. వరల్డ్ వైడ్ గా రికార్డులను క్రియేట్ చేస్తూ వెళ్తోంది. బాహుబలి పూర్తి రన్ టైంలో సాధించిన రూ. 1000 కోట్ల క్లబ్ లోకి చాలా తక్కువ సమయంలోనే కేవలం రెండు వారాల్లోనే చేరింది. ఈ రికార్డు ఇప్పటి వరకు టాలీవుడ్ ఇండస్ట్రీలో ఏ సినిమాకు దక్కలేదని చెప్పవచ్చు.
ప్రభాస్‌-నాగ్ అశ్విన్ కాంబోలో వచ్చిన ఈ మూవీ రిలీజైన (జూన్ 27-గురువారం) వసూళ్ల వర్షం కురిపిస్తూనే ఉంది. ఇటీవల రూ.1000 కోట్ల క్లబ్‌లో చేరడంతో బాలీవుడ్ బిగ్ బీ అమితాబ్ స్వయంగా ట్వీట్ చేసి మేకర్స్ కు శుభాకాంక్షలు చెప్పారు. ఈ మూవీ తాజాగా మరో రికార్డు దక్కించుకుంది. ‘బుక్‌ మై షో’లో అత్యధిక టికెట్లు బుక్కయిన ఇండియన్‌ సినిమాగా నిలిచింది. 12.15 మిలియన్లకు పైగా ఈ మూవీ టికెట్లు అమ్ముడయ్యాయి. దీంతో, ఇప్పటి వరకూ ఉన్న షారుక్‌ ఖాన్‌ ‘జవాన్‌’ రికార్డును (12.01 మిలియన్‌ టికెట్లు) ‘కల్కి’ అధిగమించింది.
నాగ్ అశ్విన్ ఈ మూవీని మైథలాజికల్ సైన్స్‌ ఫిక్షన్‌ గా తెరకెక్కించారు. ఈ మూవీ ప్రేక్షకులను కొత్త లోకంటోకి తీసుకెళ్లింది. అమితాబ్, కమల్‌, రాజేంద్రప్రసాద్ లాంటి దిగ్గజ నటులు ఈ ప్రాజెక్టులో పాలు పంచుకున్నారు. విజయ్‌ దేవరకొండ, దుల్కర్‌ సల్మాన్‌ లాంటి యంగ్ హీరోల అతిథి పాత్రలు విశేషంగా ఆకట్టుకున్నాయి. భైరవగా సందడి చేసిన ప్రభాస్‌.. చివరలో కర్ణుడిగా కనిపించి ‘పార్ట్‌ 2’పై అంచనాలు విపరీతంగా పెంచేశాడు.