Surya : సూర్య కు కెప్టెన్సీ.. హర్దిక్ పాండ్యా రియాక్షన్ ఏంటంటే?

Surya

Surya : టీ 20 క్రికెట్ ప్రపంచకప్ నెగ్గ జోరు మీదున్న భారత జట్టు మూడు టీ 20 ల సిరీస్ కు శ్రీలంకకు బయలు దేరనుంది. అయితే శ్రీలంక టూర్ కు వెళ్లే జట్టుకు హర్దిక్ పాండ్యా కాకుండా సూర్య కుమార్ యాదవ్ ను కెప్టెన్ గా ఎంపిక చేయనున్నట్లు వార్తలు వస్తున్నాయి. దీంతో హర్దిక్ పాండ్యా ఫ్యాన్స్ ట్రోల్స్ చేస్తున్నారు. టీ 20 వరల్డ్ కప్ లో అద్భుత పర్ఫామెన్స్ చేసిన హర్దిక్ పాండ్యాను కాదని సూర్య ను ఎలా కెప్టెన్ చేస్తారని ప్రశ్నిస్తున్నారు.

టీం ఇండియా టీ 20 మాజీ కెప్టెన్ రోహిత్ శర్మ మాత్రం సూర్యనే భవిష్యత్తు కెప్టెన్ గా భావించి సారథ్య బాధ్యతలు అప్పగించాలని సూచించాడు. తాజాగా దీనిపై హర్దిక్ పాండ్యా పోస్టు చేశాడు.2023 వన్డే వరల్డ్ కప్ లో గాయం తర్వాత చాలా ఇబ్బంది పడ్డాను. కానీ దాని నుంచి బయటపడి టీ 20 ప్రపంచ కప్ గెలవగానే అంతా మారిపోయింది. అయితే ఫిట్ నెస్ పైనే మనం దృష్టి సారించాల్సింది.

తర్వాత టీంలో తమ బాధ్యత ఏమిటనేది మాత్రమే మన చేతుల్లో ఉంటుంది. అని పోస్టు చేయడంతో కెప్టెన్సీ గురించే హర్దిక్ ఇలాంటి పోస్టు పెట్టాడని హర్దిక్ ఫ్యాన్స్ తో పాటు ఇండియా క్రికెట్ అభిమానులు చర్చించుకుంటున్నారు.

హర్దిక్ పాండ్యా ఆల్ రౌండర్ గా బ్యాటర్, బౌలర్ గా రాణిస్తున్నాడు. ఇలాంటి సమయంలో అదనంగా కెప్టెన్సీ బాధ్యతలు అప్పగిస్తే ఆల్ రౌండర్ గా రాణించడం కష్టమవుతుందని అందుకే ఇలాంటి నిర్ణయాలు తీసుకుంటున్నారని కొంతమంది అంటున్నారు. కానీ హర్దిక్ పాండ్యా కంటే బ్యాటర్ సూర్యకు ఇవ్వడం వల్ల మార్పు కనిపిస్తుందని రోహిత్ అభిప్రాయపడ్డట్లు తెలుస్తోంది. మరి శ్రీలంక టూర్ కు ఎవరినీ కెప్టెన్ గా సెలెక్ట్ చేస్తారో తేలనుంది.