Trisha : ఓటీటీలోకి త్రిష.. తొలి వెబ్ సిరీస్ ఎప్పుడు? ఎక్కడంటే?

Trisha

Trisha : అన్ని ఇండస్ట్రీల్లోని బిగ్ స్టార్స్ కేవలం సినిమాలే కాదు.. ఓటీటీ డిజిటల్ డెబ్యూలను కూడా ఇస్తున్నారు. ఈ జాబితాలోకి ఇప్పుడు స్టార్ హీరోయిన్ వచ్చి చేరింది. ఆమే త్రిష కృష్ణన్. త్రిష దక్షిణాదిక స్టార్ హీరోయిన్ ప్రస్తుతం సిల్వర్ స్క్రీన్ పై అత్యధిక పారితోషికం తీసుకుంటున్న హీరోయిన్లలో ఆమె మొదటి వరుసలో ఉన్నారు.

ఇప్పటికే సౌత్ హీరోయిన్లు అయిన తమన్నా, సమంత, అమలా పాల్ ఓటీటీలోకి అడుగు పెట్టారు. వీరితో పాటు నార్త్ నుంచి కూడా చాలా మంది స్టార్ హీరోయిన్లు డిజిటల్ ప్రపంచంలోకి అడుగులు పెట్టారు. వీరి బాటలోనే ఇప్పుడు త్రిష కృష్ణన్ వస్తుంది. ఆమె ఓటీటీ డెబ్యూగా ‘బృంద’తో రాబోతోంది.

త్రిష కృష్ణన్ తమిళ నటి అయినప్పటికీ ఓటీటీ ఎంట్రీని తెలుగుతో చేస్తుంది. త్రిష చేసే వెబ్ సిరీస్ 2021లో మొదలు పెడితే మూడేళ్ల తర్వాత స్ట్రీమింగ్ కు రాబోతోంది. అందుకు మేకర్స్ డేట్ కూడా ఫిక్స్ చేశారు. కాగా ఈ సిరీస్ కు సూర్య మనోజ్ వంగల దర్శకత్వం వహించగా థ్రిల్లర్ సిరీస్ గా తెరకెక్కినట్టుగా తెలుస్తోంది.

ఈ సిరీస్ ను ప్రముఖ డిజిటల్ స్ట్రీమింగ్ సంస్థ ‘సోనీ లివ్’  ఎక్స్ క్లూజివ్ గా తీసుకున్నారు. ఆగస్ట్ 2 నుంచి అందుబాటులో ఉంటుందని డేట్ కూడా అనౌన్స్ చేశారు. సో ఇన్నేళ్ల తర్వాత త్రిష డిజిటల్ డెబ్యూ ఇవ్వబోతోంది. అయితే ఈ సిరీస్ లో త్రిష పోలీస్ పాత్రలో కనిపించనుంది. ఆమని జయప్రకాశ్ లాంటి స్టెల్లార్ కాస్ట్ కూడా ఈ సిరీస్ లో ఉంది.

త్రిష ఇప్పుడు సినిమాల్లో సైతం కం బ్యాక్ ఇచ్చిన సంగతి తెలిసిందే. గతేడాదితో విజయ్ తో చేసిన ‘లియో’లో నటించింది. ఇక, తెలుగులో మెగాస్టార్ చిరంజీవితో కలిసి ‘విశ్వంభర’లో నటిస్తోంది. ఇదే కాకుండా తమిళ ఇండస్ట్రీలో సైతం బ్యాక్ టు బ్యాక్ సినిమాలు చేస్తూ బిజీగా ఉంది.

విశ్వంభర సినిమాను యువ దర్శకుడు వశిష్ఠ తెరకెక్కిస్తుండగా ఇందులో త్రిష మాత్రమే కాకుండా ఆషిక రంగనాథ్, సురభి పురాణిక్ నటిస్తున్నారు. మరో స్టార్ హీరోయిన్ రష్మికా మందన్నా కూడా ఓ ముఖ్యపాత్ర చేస్తున్నట్టుగా రూమర్స్ ఉన్నాయి.