Hero Raj Tarun : హిరో రాజ్ తరుణ్ పై పోలీస్ కేసు.. ప్రేమించి మోసం చేశాడని ఫిర్యాదు   

Hero Raj Tarun : టాలీవుడ్ యంగ్ హిరో రాజ్ తరుణ్ పై ఆయన ప్రియురాలు పోలీస్ స్టేషన్ లో ఫిర్యాదు చేసింది. లావణ్య అనే మహిళ హిరో రాజ్ తరుణ్ నేను 11 ఏళ్లుగా ప్రేమించుకుంటున్నామని గతంలో గుడిలో పెళ్లి కూడా చేసుకున్నామని తెలిపింది. అయితే ఇన్ని రోజులు తనతో సవ్యంగానే ఉన్నా రాజ్ తరుణ్ ప్రస్తుతం తనను దూరం పెడుతున్నాడని నార్సింగి పోలీస్ స్టేషన్ లో కంప్లైంట్ ఇచ్చింది.

దీనికంతటికీ కారణం ప్రస్తుతం ఓ హిరోయిన్ మాయలో పడిపోయాడని ఆమె చేయడం వల్లే తనను రాజ్ తరుణ్ దూరంగా ఉంచుతున్నాడని పేర్కొంది. ప్రస్తుతం తిరగబడరా సామీ సినిమాలో రాజ్ తరుణ్ నటిస్తున్నాడు. ఈ సినిమా అతి త్వరలోనే రిలీజ్ కానుంది. రాజ్ తరుణ్ సినిమాల్లో అనేక మూవీస్ సూపర్ హిట్ అయ్యాయి. ఉయ్యాలా జంపాలా మూవీతో హిరోగా తెలుగు ఇండస్ట్రీకి పరిచయమయ్యాడు.

అయితే రాజ్ తరుణ్ మూవీలో నటిస్తున్న హిరోయిన్ మాల్వీ మల్వోత్రాతో ప్రస్తుతం రాజ్ తరుణ్ క్లోజ్ గా ఉంటున్నాడని అందుకే తనను పట్టించుకోవడం లేదని లావణ్య ఫిర్యాదులో తెలిపింది. హిరోయిన్ మాల్వీ మల్వోత్రా తనను చంపేస్తానని బెదిరిస్తోందని తనకు ప్రాణ భయం ఉందని ఆమె ఫిర్యాదులో పేర్కొంది.

తిరగబడరా మూవీ కి ఎస్ రవి కుమార్ దర్శకత్వం వహిస్తున్నారు. పిల్లా నువ్వు లేని జీవితం సినిమాకు దర్శకత్వం వహించిన ఈయన ప్రస్తుతం రాజ్ తరుణ్ తో ఈ మూవీ చేస్తున్నారు. అయితే ఈ సినిమాలోనే ఉన్నా హిరోయిన్ తో రాజ్ తరుణ్ డేటింగ్ లో ఉన్నాడని వారు చెట్టా పట్టాలేసుకుని తిరుగుతున్నాడని తనను మోసం చేశాడని, మీరే ఆదుకోవాలని లావణ్య అనే మహిళ కంప్లైంట్ చేయడం సంచలనంగా మారింది. ఇఫ్పుడిప్పుడే కెరీర్ కుదురుకుంటున్న సమయంలో ఇలా రాజ్ తరుణ్ ఇబ్బందుల్లో పడటం ఆయన భవిష్యత్తుకు ఇబ్బందే అని సినీ ఇండస్ట్రీ పెద్దలు అంటున్నారు.