APPSC Group-2 Mains : ఏపీపీఎస్సీ గ్రూప్-2 మెయిన్స్ పరీక్ష వాయిదా

APPSC Group-2 Mains

APPSC Group-2 Mains : గ్రూప్-2 మెయిన్స్ విషయంలో ఏపీ ప్రభుత్వం కీలక నిర్ణయం తీసుకుంది. జూలై 28న జరగాల్సిన గ్రూప్-2 మెయిన్స్ పరీక్షను వాయిదా వేస్తున్నట్లు ఏపీపీఎస్సీ ప్రకటించింది. కొత్త తేదీని త్వరలోనే ప్రకటిస్తామని ప్రెస్ నోట్ ద్వారా తెలిపింది. గత ప్రభుత్వ హయాంలో 897 గ్రూప్-2 పోస్టుల భర్తీకి డిసెంబర్ లో నోటిఫికేషన్ విడుదలైన సంగతి తెలిసిందే.

ఈ నోటిఫికేషన్ ద్వారా 331 ఎగ్జిక్యూటివ్ పోస్టులు, 556 నాన్ ఎగ్జిక్యూటివ్ పోస్టుల భర్తీకి అప్పటి ప్రభుత్వం గ్రీన్ సిగ్నల్ ఇచ్చింది. ఈ క్రమంలో ఫిబ్రవరి 25న గ్రూప్-2 ప్రిలిమ్స్ పరీక్ష నిర్వహించగా ఏప్రిల్ రెండవ వారంలో ఫలితాలు విడుదలయ్యాయి. జూలై 28న మెయిన్స్ పరీక్ష నిర్వహించాల్సి ఉండగా, తాజాగా మెయిన్స్ పరీక్షను వాయిదా వేస్తున్నట్లు ఏపీపీఎస్సీ ప్రకటించింది.