Team India : భారత్ చేరుకున్న టీమిండియా

Team India

Team India : ఎట్టకేలకు టీమిండియా స్వదేశానికి చేరుకుంది. ఈరోజు ఉదయం 6 గంటలకు ఢిల్లీ విమానాశ్రయంలో టీమిండియా దిగింది. టీ-20 ప్రపంచ కప్‌ సాధించిన భారత క్రికెటర్లకు అభిమానులు ఘనస్వాగతం పలికారు. షెడ్యూల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ ప్రకారం సోమవారం భారత్ రావాల్సి ఉన్నప్పటికీ బెరిల్ హరికేన్ కారణంగా బార్బడోస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ లోనే ఉండిపోయారు. తుఫాను కాస్త తగ్గడంతో బీసీసీఐ ప్రత్యేక విమానాన్ని ఏర్పాటు చేసి వారిని తీసుకొచ్చింది.

\గురువారం ఉదయం ప్రత్యేక విమానంలో భారత క్రికెట్ జట్టు దేశ రాజధాని ఢిల్లీలో దిగింది. 13 ఏళ్ల విరామం తర్వాత ఐసీసీ ట్రోఫీ సాధించిన భారత జట్టుకు అభిమానులు, అధికారులు ఘన స్వాగతం పలికారు. ఢిల్లీ ఎయిర్ పోర్టు నుంచి బయటకు వస్తూ టీమిండియా కెప్టెన్ రోహిత్ శర్మ టీ-20 ప్రపంచ కప్ ట్రోఫీని అభిమానులకు చూపించారు.

ఈ రోజు ఉదయం 11 గంటలకు పీఎం నరేంద్ర మోదీతో భారత జట్టు సమావేశం కానుంది. అనంతరం ప్రత్యేక విమానంలోనే జట్టు ముంబైకి వెళ్తుంది. ముంబైలో సాయంత్ర 5 గంటలకు రోడ్ షో ప్రారంభమవుతుంది. రెండు గంటల పాటు సాగే ఊరేగింపులో ఓపెన్ టాప్ బస్సులో భారత ప్లేయర్స్ ట2-20 ట్రోఫీతో అభిమానులకు అభివాదం చేయనున్నారు. అనంతరం రాత్రి వాంఖడే స్టేడియంలో బీసీసీఐ ఆధ్వర్యంలో భారత జట్టుకు భారీ ఎత్తున సన్మానం చేయనున్నారు.