Shekhar Kammula – Nani : శేఖర్ కమ్ముల, హిరో నాని కాంబినేషన్ లో మూవీ.. ఫ్యాన్స్ ఖుషీ  

Shekhar Kammula – Nani

Shekhar Kammula – Nani : నాగార్జున-ధనుష్ కాంబినేషన్ లో స్టార్ డైరెక్టర్ శేఖర్ కమ్ముల ఓ మల్టీ స్టారర్ మూవీని చేయబోతున్నారు. శేఖర్ కమ్ముల తీస్తోన్న కుబేర మూవీ షూటింగ్ వేగంగా జరుగుతోంది. కుబేర తర్వాత శేఖర్ కమ్ముల నుంచి ఏ మూవీ వస్తుందో అనే క్లారిటీ వచ్చేసింది. ముఖ్యంగా హిరో నానితో సినిమా చేయనున్నట్లు టాలీవుడ్ ఇండస్ట్రీ వర్గాల టాక్. ఇద్దరి కాంబినేషన్ లో మూవీ రాబోతున్నట్లు దీని గురించి చర్చోపచర్చలు జరుగుతున్నట్లు తెలుస్తోంది. 

ఏసియన్ సునీల్ వీరిద్దరూ తీయబోయే సినిమాకు నిర్మాతగా వ్యవహరించనున్నట్లు సమాచారం. సరిపోదా శనివారం మూవీతో నాని బిజీ బిజీగా గడుపుతున్నాడు. దీని తర్వాత హిట్ 3 మూవీ చేయనున్నాడు. అనంతరం శేఖర్ కమ్ముల నానిల కాంబినేషన్ లో మూవీ షూటింగ్ ప్రారంభం అయ్యే అవకాశాలు కనిపిస్తున్నాయి. 

శేఖర్ కమ్ముల ఎక్కువ గా కొత్త వాళ్లను ఎంకరేజ్ చేస్తుంటాడు. పెద్ద సినిమాల జోలికి పోకుండా చిన్న సినిమాలు తీస్తూ పెద్ద హిట్ లు సొంతం చేసుకుంటాడు. గోదావరి, ఫిదా, హ్యపీడేస్, లైఫ్ ఈస్ బ్యూటిఫుల్ లాంటి మూవీస్ అన్ని పెద్ద హిట్లే. ఎలాంటి ఊరు పేరు లేని నటులను తీసుకుని కథనే బలంగా నమ్ముకుని విజయాలు సాధించడం శేఖర్ కమ్ములకు అలవాటు. 

శేఖర్ కమ్ముల ప్రస్తుతానికి కుబేర తో ఫుల్ బిజీ గా గడుపుతున్నాడు. నీట్ గా, నైస్ గా ప్రజెంటేషన్ చేయడంతో శేఖర్ కమ్ముల తర్వాతే ఎవరైనా అని అంటుంటారు. సినిమాలో కథా బలం, యువతరం, సాఫీగా సాగిపోయే విధానమే అయినా ప్రేక్షకులకు తమలో ఎక్కడో ఓ చోట ఆ క్యారెక్టర్ ను చూసుకుంటారు. లేదా సమాజంలో చూసి ఉంటారు. ఇలాంటి క్యారెక్టర్లను తన సినిమాల్లో చేర్చుకుని విజయాలు సాధిస్తుంటారు. శేఖర్ కమ్ముల సినిమాలు చేయడం కోసం చాలా టైం తీసుకుంటారు. అయితే వాటిలో చాలా డెప్త్ ఉంటుంది. అందుకే శేఖర్ కమ్ముల నాని కాంబినేషన్ కోసం ఇంకొన్ని రోజులైనా ఆగేందుకు ఫ్యాన్స్ సిద్ధంగా ఉన్నారు.