Crocodile : భారీ వర్షాలు.. రోడ్డుపైకి వచ్చిన మొసలి
Crocodile
Crocodile : మహారాష్ట్రలోని తీర ప్రాంతమైన రత్నగిరి జిల్లాలో భారీ వర్షాలు కురుస్తున్నాయి. ఈ క్రమంలో గత రాత్రి చిలాపున్ ప్రాంతంలో పెద్ద మొసలి రోడ్డుపైకి వచ్చింది. ఈ వీడియో సోషల్ మీడియాలో హల్ చల్ చేస్తోంది. రోడ్డుపైకి వచ్చిన మొసలి వాహనాల మధ్య నిర్భయంగా సంచరించింది. దానిని చూసి అటుగా వెళ్తున్న పాదచారులు, వాహనదారులు ఆందోళన చెందారు. దీనిని కారులో కూర్చొన్న ఓ వ్యక్తి కెమెరాలో బంధించాడు. మొసళ్లు ఎక్కువగా ఉండే శివ లేదా వశిష్ట నదుల నుంచి అది రోడ్డుపైకి వచ్చినట్లు స్థానికులు పేర్కొంటున్నారు.
రత్నగిరి జిల్లాలో భారీ వర్షాలు కురుస్తుండడంతో రోడ్డు మీద వరద ప్రవహిస్తోంది. ఆ నీటి ప్రవాహంలో రోడ్డు మీదకు కొట్టుకు వచ్చిన ఒక మొసలి వాహనదారుల ముందే పాకుతూ వెళ్లింది. దీంతో ద్విచక్ర వాహనదారులు భయాందోళనకు గురయ్యారు. దీనికి సంబంధించిన వీడియో నెట్టింట వైరలవుతోంది.
View this post on Instagram