Mega Final : మెగా ఫైనల్ నేడే 17 ఏళ్ల కల నెరవేరేనా

Mega Final World cup 2024 Final Match

Mega Final : ఐసిసి క్రికెట్ వరల్డ్ కప్ లో భాగం గా ఇండియా సౌత్ ఆఫ్రికా మధ్య ఫైనల్ మ్యాచ్  రాత్రి 8 గంటలకు బార్బ డోస్ లో జరగనుంది. 2007 లో టీ 20 ప్రపంచ కప్ నెగ్గి న భారత్ ఇప్పటి వరకూ మళ్లీ గెలవలేదు. కాగా దక్షిణాఫ్రికా అయితే ఐసిసి టోర్నీలో ఇంత వరకు ఒక్క టైటిల్ గెలవక పోగా మొదటి సారి ఫైనల్ చేరింది. ఇప్పటివరకు ఆరు సార్లు సేమీ ఫైనల్స్ లో ఓటమి మూట కట్టుకుంది.

ఇండియా మాత్రం ఈసారి టైటిల్ నెగ్గాలని కృత నిశ్చయంతో ఉంది టీమిండియా సూపర్ స్టార్ విరాట్ కోహ్లీ రోహిత్ శర్మ లకు ఇదే టి20 ప్రపంచ కప్ ఫైనల్ చివరిది కావచ్చు. ఈసారి క్రికెట్ కెరియర్ కు ఘనంగా వీడ్కోలు పలకాలని భావిస్తున్నారు గెలిచి సత్తా నిరూపించుకోవాలనుకుంటున్నారు.

అయితే ఇప్పటివరకు ఆడిన అన్ని మ్యాచ్ లలో విరాట్ కోహ్లీ విఫలం కావడం భారత్ కు కాస్త నిరాశ కలిగిస్తుంది  టీమిండియా కోచ్ రాహుల్ ద్రావిడ్ మాత్రం అతడు ఫైనల్ లో ఆడడానికి మాత్రమే ఇలా విఫలమవుతున్నాడని దక్షిణాఫ్రికాకు హెచ్చరికలు పంపారు. బౌలింగ్ విభాగంలో బుమ్రా హర్షదీప్ కుల్దీప్ యాదవ్ మంచి ఫామ్ లో ఉన్నారు. బ్యాటింగ్లో రోహిత్ శర్మ ఫామ్ అందుకున్నాడు గత రెండు మ్యాచ్లలో హాఫ్ సెంచరీ లు బాదాడు.

17 ఏళ్ల తర్వాత ప్రపంచ కప్ ను ముద్దాడే సమయం ఆసన్నమైంది ఈసారి ఒత్తిడికి గురి కాకుండా ఖచ్చితంగా టైటిల్ గెలవాలని టీమిండియా పట్టుదలతో ఉంది బౌలింగ్, బ్యాటింగ్ రెండు విభాగాల్లో పటిష్టంగా కనిపిస్తోంది. దక్షిణాఫ్రికా అన్ని మ్యాచ్లు గెలిచినప్పటికీ చాలా కష్టపడి నెగ్గింది. కానీ ఇండియా మాత్రం అన్ని విజయాలు సులువుగానే సాధించింది. కాబట్టి ఈ ఫైనల్లో ఇండియా అనే హాట్ ఫేవరెట్ గా బరిలోకి దిగుతుంది.