Kalki First Day Collections : కల్కి మొదటి రోజే రూ.200 కోట్ల కలెక్షన్లు..  రికార్డులన్నీ బద్దలు కొట్టడం ఖాయం

Kalki First Day Collections

Kalki First Day Collections : కల్కి 2898 ఏడీ చిత్రం రికార్డులు బద్దలు కొట్టడమే కాదు. సరికొత్త రికార్డులు క్రియేట్ చేస్తోంది. జూన్ 27 న రిలీజ్ అయిన కల్కి చిత్రం భారీ కలెక్షన్ల దిశగా.. దూసుకుపోతుంది. ముందస్తు బుకింగ్స్ ప్రకారం.. కల్కి మొదటి రోజే రూ.200 కోట్ల వసూళ్లు రాబట్టే అవకాశం ఉందని నేషనల్ మీడియా చెబుతున్న వివరాల ప్రకారం తెలుస్తోంది. ఇదే గనక జరిగితే ఇండియా చరిత్రలోనే మొట్ట మొదటి సారి ఫస్ట్ రోజే రూ. 200 కోట్ల కలెక్షన్లు రాబట్టిన సినిమాగా చరిత్ర తిరగరాస్తుంది.

కల్కి మూవీ తొలి వారంలోనే రూ. 500 కోట్లకు పైగా వసూళ్లు రాబట్టనుందని తెలుస్తోంది. కల్కి మూవీ రిలీజ్ అయిన మొదటి రోజు పాజిటివ్ టాక్ సొంతం చేసుకుంది. హలీవుడ్ రేంజ్ లో గ్రాఫిక్స్ ఉన్నాయని, సెకండ్ హాప్ మాత్రం నభూతో న భవిష్యత్తు అనే విధంగా ఉందని అభిమానులు ట్రోల్స్ చేస్తున్నారు. ఇప్పటి వరకు సోషల్ మీడియాలో కూడా ఎక్కడా కూడా ఈ మూవీకి  నెగిటివ్ కామెంట్స్ రాలేవు.

ఈ చిత్రంలో అమితాబ్ బచ్చన్ పాత్ర కీలకంగా కనిపించింది. అమితాబ్ బచ్చన్ దేశ సినీ రంగంలోనే అతి పెద్ద దిగ్గజంగా కొనసాగుతుండగా.. ఆయనకు ఈ సినిమా మరింత గౌరవాన్ని తెచ్చి పెట్టిందని చెప్పొచ్చు. పాన్ ఇండియా స్టార్ ప్రభాస్, లోక నాయకుడు కమల్ హసన్, దీపికా పదుకొనే, మాళవిక, సీనియర్ నటి శోభన, విజయ్ దేవరకొండ, దుల్కర్ సల్మాన్ లాంటి ఎంతో మంది అగ్ర నటులు ఈ మూవీలో నటించారు.

కల్కి 2898 ఏడీ కలెక్షన్లలో బాహుబలి రికార్డులను బద్దలు కొడుతుందని అంచనా వేసుకుంటున్నారు. త్రిపుల్ ఆర్ మూవీ రికార్డులను సైతం అధిగమించే అవకాశం ఉంది.  నాగ్ అశ్విన్ తెలుగు డైరెక్టర్ గా  పాన్ ఇండియా లెవల్లో మరో సంచలనంగా మారనున్నారు. ఇప్పటికే రాజమౌళి పేరు బాలీవుడ్ తో పాటు హలీవుడ్ లో కూడా మారుమోగిపోతుంది. ఇక మరో స్టార్ డైరెక్టర్ నాగ్ అశ్విన్ కూడా తెలుగు వారే అని గర్వపడేలా సినిమాను తీసి అందరనీ ఆశ్చర్యపరిచాడు.