Bharateeyudu 2 Trailer : భారతీయుడు 2 ట్రైలర్ ఓకే.. సినిమానే  ప్రేక్షకుల అంచనాలకు రీచ్ అవుతుందా అనేది డౌట్

Bharateeyudu 2 Trailer

Bharateeyudu 2 Trailer : భారతీయుడు 2 ట్రైలర్ ను గ్రాండ్ గా రిలీజ్ చేశారు. అయితే ఈ సినిమాపై ఇప్పటికే ప్రేక్షకుల్లో భారీ అంచనాలు పెరిగిపోయాయి. దానికనుగుణంగానే ట్రైలర్ కూడా ఉంది. కానీ మొదటి సినిమా భారతీయుడు లో ఉన్నంతా డెప్త్ కనిపించడం లేదని కొంతమంది అనుకుంటున్నారు. భారతీయుడు 2 కోసం వేయి కళ్లలో సినీ ప్రేక్షకులు ఎదురుచూస్తున్నారు. జులై 12 వ తేదీన ప్రేక్షకుల ముందుకు తీసుకురావడానికి సన్నాహలు చేస్తున్నారు.

సినిమా ట్రైలర్ మాత్రం సూపర్ గా ఉన్నప్పటికీ కథను ముందే అంచనా వేసేలా కనిపిస్తోంది. ఎప్పుడైతే ఇండియాలో అవినీతి, అక్రమాలు రాజ్యమేలుతాయో ఆ సమయంలో ఈ భారతీయుడు మళ్లీ వస్తాడని చెప్పే డైలాగ్ తో భారతీయుడు ముగుస్తుంది. అదే భారతీయుడు మళ్లి వచ్చి మర్మకళ ద్వారా అధికారులను చంపే పాత్రలో కమల్ హాసన్ కనిపించనున్నారు. ఇంత వరకు ఒకే. అసలు ఏ అంశాన్ని డైరెక్టర్ శంకర్ కొత్తగా తీసుకున్నారనేది తెలియాల్సి ఉంది.

ఈ సినిమా ఎప్పుడు రిలీజ్ అవుతుందా అనుకుంటూ అభిమానులు ఎదురుచూస్తుండగా.. ఒక్కసారిగా శంకర్ డైరెక్టుగా ట్రైలర్ ను విడుదల చేసి చూపించేశాడు. హిరో సిద్ధార్థ్ కూడా కీలక పాత్ర పోషించినట్లు ట్రైలర్ లో తెలుస్తుంది. అసలు భారతీయుడు 2 లో కమల్ హాసన్ అధికారులను చంపుతాడా? అవినీతి, అక్రమాలే అంశాలుగా పరిగణలోకి తీసుకుంటాడా? లేక కొత్త అంశం ఏమైనా ఉందా. ట్రైలర్ ను చూస్తే మాత్రం సినిమా కథ ఇట్టే అర్థమైపోతుంది.

శంకర్ గత రెండు సినిమాలు రోబో 2.0, ఐ సినిమాలు కథ, గ్రాఫిక్స్ పరంగా బలంగా ఉన్నా.. పబ్లిక్ కు అనుకున్నంతా నచ్చలేవు. ఇది కూడా అదే కోవలోకి వెళుతుందా అనే సందేహాలు వ్యక్తమవుతున్నాయి. సేనాపతి క్యారెక్టర్ ను ఏ విధంగా మలిచాడనేది ప్రస్తుతం చూడాల్సిన అంశం. భారతీయుడు 2 లో కూడా విజువల్ వండర్ కనిపించనుందని తెలుస్తుంది. మరి శంకర్ డైరెక్ట్ చేయనున్న తదుపరి చిత్రాలకు కూడా భారతీయుడు 2 విజయం పైనే ఆధారపడి ఉంటాయని చెప్పడంలో సందేహం అక్కర్లేదు.