Begumpet Airport : బేగంపేట విమానాశ్రయానికి బాంబు బెదిరింపు

Begumpet Airport

Begumpet airport : హైదరాబాద్ లోని బేగంపేట విమానాశ్రయంలో బాంబు పెట్టినట్లు అగంతకులు మెయిల్ చేయడంతో సోమవారం కలకలం రేగింది. పోలీసులు అప్రమత్తమై హుటాహుటిన విస్తృతస్థాయిలో తనిఖీలు చేపట్టారు. కేంద్ర బలగాలు విమానాశ్రయాన్ని జల్లెడ పట్టాయి. బేగంపేట ఏసీపీ గోపాలకృష్ణమూర్తి, ఇన్స్ పేక్టర్ రామయ్యతో పాటు ఎస్సైలు, కానిస్టేబుళ్లు, హోంగార్డులు, కేంద్ర సాయుధ బలగాలు, డాగ్, బాంబ్ స్క్వాడ్ బృందాలు విమానాశ్రయ టెర్మినళ్లలో సోదాలు చేశాయి.

సుమారు 3 గంటల పాటు అన్ని కార్యాలయాలు, సమావేశ మందిరాలు, పార్కింగ్, సిబ్బంది పనిచేసే ప్రాంతాలు, సమీపంలోని పోస్టాఫీసుల్లో కూడా తనిఖీలు చేపట్టారు. రన్ వే పై కూడా బాంబ్ స్క్వాడ్ తనఖీలు చేసింది. చివరకు బాంబు లేదని తేలడంతో అంతా ఊపిరి పీల్చుకున్నారు. మెయిల్ ఎక్కడి నుంచి వచ్చిందో ఆరా తీస్తున్నారు.