Pet lover : పెట్స్ ప్రేమికుడు ఈ బాలీవుడ్ స్టార్.. 116 కుక్కల దత్తత
Mithun Chakravarthy Pet lover
Bollywood Star Pet lover : బాలీవుడ్ స్టార్, డిస్కో డాన్సర్ గా గుర్తింపు పొందిన మిథున్ చక్రవర్తి. బీటౌన్ లో టాప్ హీరో మిథున్. 70వ దశకంలో సినీ పరిశ్రమలోకి అడుగుపెట్టిన మిథున్ ఎన్నో సూపర్ హిట్ చిత్రాల్లో నటించాడు. తనకంటూ ప్రత్యేక స్టార్ డమ్ తెచ్చుకున్నాడు. ఎలాంటి బ్యాగ్రౌండ్ లేకుండా బాలీవుడ్ లోకి అడుగుపెట్టిన మిథున్ ఇప్పుడు నటుడిగా కొన్ని వందల రూ. కోట్ల రూపాయలు సంపాదించాడు. ఇప్పుడు ఈ బాలీవుడ్ స్టార్ హీరోకు సంబంధించిన ఓ న్యూస్ నెట్టింట వైరలవుతుంది.
జంతు ప్రేమికులుగా చెప్పుకునే బాలీవుడ్ స్టార్లలో మిథున్ చక్రవర్తి ఒకరు. ఈ బాలీవుడ్ స్టార్ పెద్ద సంఖ్యలో శునకాలను పెంచుకుంటున్నాడు. దాదాపు 116 శునకాలను కలిగి ఉన్న ఈ స్టార్‌తో పెట్స్ పెంపకంలో ఎవరూ పోటీ పడలేరు. ఈ స్టార్ ఈ కుక్కలను సాదుకోవడమే కాదు వాటికి సౌకర్యంగా ఉండేలా రూ. 45 కోట్ల ఆస్తిలో విలాసవంతమైన కెన్నెల్స్‌ను నిర్మించారు.
మిథున్ చక్రవర్తి శునక ప్రేమికుడు. 116 కుక్కలను పెంచుకుంటున్నాడు. ముంబై , భారతదేశంలోని ఇతర ప్రాంతాల్లో మిథున్ కు ఎన్నో ఆస్తులు ఉన్నాయి. మిథున్ ముంబై సమీపంలోని మాద్ ద్వీపంలో 1.5 ఎకరాల విశాల స్థలంలో 76 శునకాలను పెంచుతున్నాడు. దాదాపు రూ. 45 కోట్ల విలువైన స్థలంలో వ్యక్తిగత నివాసం కూడా ఉంది.
కానీ భూమిలో ఎక్కువ భాగం మిథున్ తన స్నేహితుల కోసం పెంపుడు కుక్కలు, ప్లే గ్రౌండ్ కోసం వినియోగించుకుంటున్నాడు. కుక్కల కోసం అన్ని ఆధునిక సౌకర్యాలు కల్పించి వాటిని అందులో పెంచతున్నాడు. కుక్కలకు ఖాళీ స్థలం, వేర్వేరు గదులు ఉన్నాయి. అప్పుడు వాటిని చూసుకునేందుకు ప్రత్యేక సిబ్బంది ఉన్నారు. వాటికి స్నానం చేయించడం, భోజనం పెట్టడం, వాకింగ్ కు తీసుకెళ్తుంటారు.
ఇండస్ట్రీలో దశాబ్దాలుగా నటుడిగా రాణిస్తున్న మిథున్ చక్రవర్తి ఇప్పటివరకు రూ.400 కోట్లకు పైగా ఆస్తులు కూడబెట్టినట్లు సమాచారం. భారతదేశం అంతటా దాదాపు మూడు డజన్ల ఆస్తులు ఉన్నాయని బీ టౌన్ టాక్. ఇందులో మాడ్ ఐలాండ్‌లోని ఇల్లు, ఊటీలోని ఇల్లు , అనేక హోటళ్లు, కాటేజీలు మిథున్ పేరిట ఉన్నాయి. మసినగుడిలో 16, మైసూర్‌లో 18 బంగ్లాలు, కాటేజీలు పోగేశాడు. నటుడికి ముంబై సమీపంలో ఓ ఫామ్‌హౌస్ కూడా ఉంది.