Director Post Viral : ‘బాహుబలి’ సీన్ రీ క్రియేట్.. శివగామిలా దర్శకుడు?

Director Vignesh Shivan Post Viral

Director Post Viral : ప్రభాస్ ను పాన్ వరల్డ్ స్థాయిలో నిలబెట్టిన సినిమా బాహుబలి. టాలీవుడ్ జక్కన్న, దర్శక ధీరుడు ఎస్ఎస్ రాజమౌళి తెరకెక్కించిన అద్భుతమైన సినిమాల్లో ఇది ఒకటిగా నిలుస్తుంది. ఈ మూవీ రెండు భాగాలుగా వచ్చింది. దీని కోసం ఏ సినిమా చేయకుండా ఐదేళ్లు కష్ట పడ్డాడు ప్రభాస్. దానికి తగ్గ ఫలితమే ఇచ్చింది ఈ మూవీ. అలాగే తెలుగు సినిమా దశ, దిశను ఈ సినిమా మార్చిందనడంలో ఎలాంటి సందేహం లేదు.

ఇదంతా పక్కన పెడితే.. ఈ సినిమాలో ఫస్ట్ ఆఫ్ లో శివగామి నదిలో మునిగిపోతూ చేతిలో బిడ్డను ఉంచుతుంది. ఈ సీన్ అప్పట్లో విపరీతమైన హైప్ క్రియేట్ అయ్యింది. పార్ట్ 1లో ఓ చంటి బిడ్డను చేతిలో పట్టుకొని రమ్యకృష్ణ (శివగామి పాత్ర) ప్రాణాలతో పోరాడుతుంది. తాను నదిలో పడిపోతూ అమరేంద్ర బాహుబలి బతకాలి అంటూ బిడ్డను పైకెత్తి పట్టుకొని తను మునిగిపోతుంది. ఈ మూవీకి ఈ సీన్ గూస్ బంప్స్ తెప్పిస్తుంది.

ఈ సీన్ ను రిపీట్ చేశాడు ఒక డైరెక్టర్. తాను నదిలో మునిగిపోతూ తన కొడుకులను పైకెత్తి చూపాడు. ఈ ఫొటోలు ఇప్పుడు వైరల్ అవుతున్నాయి. ఆ దర్శకుడు ఎవరంటే విఘ్నేశ్ శివన్. నిన్న (జూన్ 16) ఫాదర్స్ డే సందర్భంగా తన కొడుకులు ఉయిర్, ఉలగంలతో ఈ సీన్ రీక్రియేట్ చేశాడు నయన్ హాస్బెండ్.

ఫాదర్స్ డే సందర్భంగా తన కవల పిల్లలతో గడిపిన మెమోరీస్ ను పంచుకున్నాడు విఘ్నేశ్. నీటిలో మునిగి పిల్లలను పైకెత్తి పట్టుకున్న ఫోటోలను ఇన్ స్టాలో షేర్ చేశాడు. ఉయిర్, ఉలగం హ్యాపీ ఫాదర్స్ డే. వీరి రాకతో నా జీవితంలో సంతోషం నిండింది. అందుకే ఈ ఫోటోలను షేర్ చేసుకున్నాను. ప్రస్తుతం ఈ పిక్స్ నెట్టింట్లో హల్ చల్ చేస్తున్నాయి. వాట్ ఏ క్రియేటివిటీ.. వాట్ ఏ విజన్ అని ఓ నెటిజన్.., వారెవ్వా క్యూట్ అంటూ మరో నెటిజన్ ఇలా వారి అభిప్రాయాలు తెలిపారు. మొత్తానికి బాహుబలి సినిమా సీన్ రీక్రియేట్ చేసి.. ప్రభాస్ అభిమానుల మనస్సు దోచుకున్నాడు ఈ డైరెక్టర్.