Tiger 3 Collections : సల్మాన్ ‘టైగర్ 3’ 10వ రోజు షాకింగ్ కలెక్షన్స్.. 300 కోట్ల బడ్జెట్ కు ఎంత రాబట్టిందో తెలుసా?

Tiger 3 Collections

Tiger 3 Collections : బాలీవుడ్ స్టార్ హీరోల్లో కండల వీరుడు సల్మాన్ ఖాన్ ఒకరు. ఈయన ఎన్నో బ్లాక్ బస్టర్స్ హిట్స్ అందుకుని స్టార్ హీరోగా ఎదిగాడు.. ఒక్కో సినిమాతో కోట్లాది మంది అభిమానులను సొంతం చేసుకున్నాడు. సుదీర్ఘ కాలంగా సల్మాన్ బాలీవుడ్ లో తన హవా చూపిస్తూ వస్తున్నాడు..

సల్మాన్ ఖాన్ తాజాగా నటించిన మూవీ ”టైగర్ 3”.. సల్మాన్ ఖాన్ హీరోగా కత్రినా కైఫ్ హీరోయిన్ గా నటించిన ఈ సినిమా ఈ దీపావళికి ప్రేక్షకుల ముందుకు వచ్చింది. అయితే మిక్స్డ్ టాక్ రావడంతో ఈ సినిమాపై ప్రేక్షకులు అంత ఆసక్తిగా కనబర్చలేదు.. ఇప్పటికే ఈ సినిమా రిలీజ్ అయ్యి 10 రోజులు అవుతుంది. మరి ఇప్పటి వరకు ఈ మూవీ ఎంత కలెక్షన్స్ రాబట్టింది అంటే..

యష్ రాజ్ ఫిలిమ్స్ బ్యానర్ పై ఈ సినిమాను ఆదిత్య చోప్రా నిర్మించారు.. యాక్షన్ ఫిల్మ్ గా తెరకెక్కిన ఈ సినిమాకు ప్రీతం, తనూజ్ మ్యూజిక్ అందించారు.. టైగర్ ఫ్రాంచైజీగా వచ్చిన ఈ సీక్వెల్ ను మనీష్ శర్మ తెరకెక్కించగా భారీ అంచనాల మధ్య రిలీజ్ అయ్యింది. 300 కోట్ల బిజినెస్ జరుగగా దాదాపు 9 వేల థియేటర్స్ కు పైగానే గ్రాండ్ గా రిలీజ్ అయ్యింది.

అయితే మిక్స్డ్ టాక్ తెచ్చుకోవడంతో ఈ సినిమాకు దీపావళితో పాటు మొదటి వీకెండ్ మాత్రమే మంచి కలెక్షన్స్ వచ్చాయి. ఆ తర్వాత క్రమంగా తగ్గుతూ వచ్చింది. 10 రోజుల్లో అన్ని ఏరియాల్లో కలిపి కేవలం 243.60 కోట్ల నెట్ కలెక్షన్స్, 387 కోట్ల గ్రాస్ కలెక్షన్స్ ను రాబట్టింది. దీంతో ఈ సినిమా అనుకున్న దాని కంటే తక్కువ కలెక్షన్స్ నే సాధించింది..

300 కోట్ల టార్గెట్ తో బరిలోకి దిగిన ఈ సినిమా 10 రోజుల్లో 243 కోట్లు మాత్రమే రాబట్టింది. ఇంకా ఈ మూవీ 57 కోట్లను వసూళ్లు చేయాల్సి ఉంది.. అప్పుడే ఈ సినిమా అనుకున్న టార్గెట్ ఫినిష్ చేసి హిట్ లిస్టులో చేరుతుంది. లేకపోతే నష్టాలు తెచ్చి ప్లాప్ లిస్టులోకి వెళ్లే అవకాశం ఉంది. ఇప్పుడున్న పరిస్థితుల్లో లాభాల కంటే నష్టాలనే తెచ్చుకునే అవకాశం ఉంది.