Mahesh Babu : వందసార్లు చూసినా మల్లి చూడాలనిపిస్తుంది ఆ సినిమా

Harom Hara Pre-release

Mahesh Babu : జ్ఞాన సాగర్ దర్శకత్వంలో సుధీర్ బాబు హీరోగా నటించిన హరోం హర చలన చిత్రం ప్రేక్షకుల ముందుకు రాబోతోంది. ఈ చిత్రాన్ని ఈ నెల 14న విడుదల చేయడానికి సాంకేతిక బృందం సన్నహాలు చేస్తోంది. విడుదలకు ముందు ఫ్రీ రిలీజ్ ఈవెంట్ చేసి అభిమానులతో పండుగ చేసుకోవడం హీరో, హీరోయిన్ లకు నేటి రోజుల్లో ఆనవాయితీగా ఏర్పడింది. అందులో భాగంగా నిర్వహించిన ఈవెంట్ కు హీరోలు అడవి శేషు, విశ్వక్ సేన్ లు సైతం హాజరయ్యారు.

ఈ సందర్బంగా సుధీర్ బాబు మాట్లాడుతూ అడవి శేషు ను ఆదర్శముగా సినీ పరిశ్రమలో ప్రతి ఒక్కరు తీసుకోవాలన్నారు. ఆయన నుంచి నేను అనేక విషయాలు నేర్చుకున్నాను. సినిమా కథల విషయంలో చాలా జాగ్రత్తలు తీసుకుంటారు. కథలో మార్పులు, చేర్పులు చేయడంలో ఆయనకు ఆయనే సాటి.  హరోం హర సినిమా కోసం చాలా మంది కష్టపడ్డారు. ఈ సినిమా విజయ వంతం అవుతుందని అన్నారు. మా మామయ్య ఉంటె ఈ సినిమాను చూసి ఆనందించేవారు అంటూ ప్రముఖ నటుడు స్వర్గీయ కృష్ణను ఉద్దేశించి అన్నారు. అదేవిదంగా చిత్ర నిర్మాతలు దర్శకుడి నిర్ణయాలకు తగిన విదంగా అండగా నిలిచారు. అందుకే సినిమా షూటింగ్ తొందరగా పూర్తయ్యింది. సినిమా షూటింగ్ కు కూడా హీరో మహేష్ బాబు కూడా చాలా అండగా నిలిచారు. ఆయన ఇచ్చిన మద్దతు మరువలేనిది. అందుకు మహేష్ బాబుకు వేదిక నుంచే సుదీర్ బాబు కృతజ్ఞతలు తెలిపారు.

ఈ సందర్బంగ సుదీర్ బాబు ఫోన్ ద్వారా హీరో మహేష్ బాబు తో  ఫోన్ ద్వారా మాట్లడుతూ కొద్దీ సేపు సరదాగా గడిపారు. నీవు నటించిన సినిమాల్లో మరచిపోని సినిమా ఏదయినా ఉందా అని మహేష్ బాబును సుదీర్ బాబు అడిగారు. నాకు నచ్చిన సినిమా ” నిజం ” ఆ సినిమాను తీర్చి దిద్దిన దర్శకుడు తేజ కు ప్రత్యేకంగా కృతజ్ఞతలు తెలిపాలి అంటూ నిజం సినిమా సన్నివేశాలను మహేష్ బాబు గుర్తుకు చేసుకున్నారు. అదేవిదంగా మాట్లాడుతూ తుపాకులు చేతపట్టి నిర్మించిన సినిమాల్లో నీకు నచ్చిన సినిమా ఏదయినా ఉందా అని అడిగితే మహేష్ బాబు ఒకటే సమాధానం ఇవ్వడం విశేషం. అది తన తండ్రి స్వర్గీయ కృష్ణ నటించిన ” మోసగాళ్లకు మోసగాడు ” ఆ సినిమాను ఇప్పటి వరకు వందసార్లు చూసాను. అయినా తనివి తీరలేదు. మల్లి, మల్లి చూడాలనిపిస్తుంది అని చెప్పడం విశేషం.