Chandrababu Naidu : అతిరథ మహారథుల మధ్య.. అట్టహాసంగా బాబు ప్రమాణ స్వీకారం

Nara Chandrababu Naidu Swearing-in Ceremony

Chandrababu Swearing-in Ceremony : ఆంధ్రప్రదేశ్ ముఖ్యమంత్రిగా నారా చంద్రబాబు ప్రమాణస్వీకారం వైభవంగా సాగింది. ప్రధాని నరేంద్ర మోడీ సమక్షంలో కేంద్ర మంత్రులు, ఇతర రాష్ట్రాల సీఎంలు, వీవీఐపీలు, సినీ రాజకీయ ప్రముఖుల సమక్షంలో ముఖ్యమంత్రిగా నారా చంద్రబాబు ప్రమాణ స్వీకారం చేశారు.

చీఫ్ సెక్రటరీ విజ్ఞప్తి మేరకు గవర్నర్ జస్టిస్ అబ్దుల్ నజీర్ ముఖ్యమంత్రిగా చంద్రబాబు నాయుడితో ప్రమాణస్వీకారం చేయించారు.  నారా చంద్రబాబు నాయుడు అనే నేను అంటుండగా సభా ప్రాంగణమంతా మార్మోగింది.  

ఏపీ సీఎంగా చంద్రబాబు ప్రమాణం సందర్భంగా  అభిమాన గణం భయంగాని రాగద్వేషాలు గాని లేకుండా ప్రజలందరికీ న్యాయం చేకూరుస్తానని దైవ సాక్షిగా ప్రమాణం చేస్తున్నాను అంటూ ముఖ్యమంత్రిగా ప్రమాణస్వీకారం చేశారు. నారా చంద్రబాబు నాయుడు అనే నేను అనే సందర్భం కోసం వేచి చూస్తున్న అభిమానుల నిరీక్షణకు తెరపడింది.  సభా ప్రాంగణం అంతా సంతోషంతో కూడిన కేరింతలతో దద్దరిల్లిపోయింది.
 
అతిరథ మహారధుల సమక్షంలో
చంద్రబాబు ప్రమాణం ప్రధాని నరేంద్ర మోడీ, కేంద్రం హోం శాఖ మంత్రి అమిత్ షా, ఇతర రంగాల ప్రముఖులు, మెగాస్టార్ చిరంజీవి, సూపర్ స్టార్ రజనీకాంత్ తదితరులు తరలివచ్చారు. వేదికపై చంద్రబాబు నాయుడు సతీమణి భువనేశ్వరి కళ్లల్లో ఆనందం కనిపించింది. ముఖ్యమంత్రిగా తన కర్తవ్యాన్ని త్రికరణ శుద్ధిగా నిర్వహిస్తానని, రాష్ట్ర ప్రగతి కోసం కృషి చేస్తానంటూ బాబు ప్రమాణం చేశారు.

బాబు ప్రమాణ స్వీకారం ఘట్టాన్ని దేశం యావత్తు ఆస్తక్తిగా తిలకించింది. అంతకు ముందు బాబు గన్నవరం విమానాశ్రయంలో ప్రధాని నరేంద్ర మోడీకి స్వాగతం పలికారు. టీడీపీ అధినేత చంద్రబాబుతో పాటు, మరో 24 మంది మంత్రులుగా ప్రమాణ స్వీకారం చేస్తున్న ఘట్టం తెలుగు రాష్ట్రాలతో పాటు యావత్ దేశమంతా ఆసక్తిగా తిలకిస్తుంది.
 
తమ్ముళ్లలో ఉత్సాహం
టీడీపీ అధినేత రాష్ర్ట ముఖ్యమంత్రిగా ప్రమాణం చేస్తున్న సందర్భంలో తెలుగుదేశం కార్యకర్తల్లో ఉత్సాహం ఉరకెలెత్తింది. తమ్ముళ్ల నినాదాలతో ఆ ప్రాంతమంతా దద్దరిల్లిపోయింది. బాబు ప్రమాణ స్వీకారంతో వారి ఆనందానికి అవధుల్లేకుండా పోయింది.