Viral News : ప్రేయసిని పెళ్లాడిన లేడీ క్రికెటర్.. ఫొటోలు వైరల్‌
Viral News, Lady Cricketer Marriage
Viral News : ఇంగ్లాండ్ మహిళా క్రికెటర్ డేనియల్‌ వ్యాట్‌ గురించి దాదాపు చాలా మందికి తెలిసే ఉంటుంది. ఆమె ఇటీవల సంచలన నిర్ణయం తీసుకుంది. ఆమె ప్రేయసి జార్జి హాడ్జ్‌ ను వివాహం చేసుకుంది. జూన్‌ 10 (సోమవారం) లండన్‌లోని చెల్సియా ఓల్డ్‌ టౌన్ హాల్‌లో వీరి వివాహ వేడుక వైభవంగా జరిగింది. ఆ ఫొటోలను ఇద్దరూ సామాజిక మాధ్యమాల్లో పంచుకుంటూ తమ పెళ్లిని అధికారికంగా ప్రకటించారు. ప్రస్తుతం ఈ ఫొటోలు వైరల్‌ అయ్యాయి.
ఇంగ్లాండ్ జట్టులో ఆల్‌ రౌండర్‌ అయిన డేనియల్‌ వ్యాట్‌ గత సంవత్సరం తన ఎంగేజ్‌మెంట్‌ గురించి ప్రకటించింది. తన ప్రియురాలు జార్జి హాడ్జ్‌ (సీఏఏ బేస్‌కు చెందిన ఓ మహిళా ఫుట్‌బాల్‌ జట్టుకు హెడ్‌). లండన్‌లో ఎఫ్‌ఏ లైసెన్స్‌డ్‌ ఏజెంట్‌గా వ్యవహరిస్తున్నారు. 2019 నుంచి డేటింగ్‌లో ఉండగా.. 2023, మార్చిలో దక్షిణాఫ్రికాలో ఎంగేజ్‌మెంట్‌ చేసుకున్నారు.
33 ఏళ్ల వ్యాట్‌.. ఇంగ్లాండ్ తరఫున 105 వన్డేలు, 151 T20 మ్యాచ్‌లు ఆడింది. ఇటీవల పాక్ తో జరిగిన మూడు వన్డేలు, మూడు T20ల సిరీస్‌లో ఆల్‌రౌండ్ ప్రదర్శనతో అందరినీ ఆకట్టుకుంది. 2014లో టీమిండియా స్టార్ క్రికెటర్ కొహ్లీకి సరదాగా ప్రపోజ్‌ చేసి వార్తల్లో నిలిచింది.
ఇదిలా ఉండగా, ఇలా మహిళా ఆటగాళ్లు ఇష్టపడి వివాహ బంధంలోకి అడుగుపెట్టిన సందర్భాలు చాలానే ఉన్నాయి. 2022లో ఇంగ్లాండ్ క్రికెటర్లు కేథరిన్‌ బ్రంట్‌, నటాలియా సీవర్‌ వివాహంతో ఒక్కటయ్యారు. అంతకు ముందు న్యూజిలాండ్‌ మహిళా క్రికెటర్లు అమీ సాటర్త్‌ వైట్‌, తహుహు, సౌతాఫ్రికా క్రికెటర్లు మరిజేన్‌ కాప్‌, డాన్‌ నీకెర్క్‌ కూడా వివాహం చేసుకొని ఒక్కటయ్యారు.