Kalki Movie Teaser : కల్కి మూవీ టీజర్ విడుదలకు రంగం సిద్ధం

Kalki Movie Teaser

Kalki Movie Teaser : ప్రభాస్ నటిస్తున్న కల్కి 2898డి మూవీ ట్రైలర్ రేపు సాయంత్రం 6 గంటలకు విడుదల కానుంది. ఈ విషయాన్ని చిత్ర యూనిట్ అఫిషీయల్ గా వెల్లడించింది. ఈ ట్రైలర్ ను దేశంతో పాటు, విదేశాల్లో కూడా ఒకే సారి విడుదల చేసేందుకు రంగం సిద్ధం చేసినట్లు తెలుస్తోంది. కల్కి 2898 ఏడీ ప్రపంచంలోకి మీఅందరికి స్వాగతం అంటూ పోస్టర్లను పంచుకుంది.

ఈ నెల 27 న ఈ భారీ బడ్జెట్ మూవీ విడుదల కానుండగా.. ఈ మూవీ పై చిత్ర బృందంతో పాటు అందరూ ఆశలు పెంచుకున్నారు. ప్రభాస్ మూవీల్లో బాహుబలి తర్వాత అంత హైప్ పెంచుతున్న మూవీ ఇదే. దీనికోసం ప్రభాస్ చాలా కష్టపడ్డట్లు తెలుస్తోంది. సాయంత్రం ఆరు గంటలకు ఈ ట్రైలర్ ను లాంచ్ చేయనున్నారు. దీనికి సంబంధించి అన్ని ఏర్పాట్లు పూర్తయ్యాయి. బెంగళూరు, హైదరాబాద్ లతో పాటు ఆంధ్రప్రదేశ్ లోని కొన్ని నగరాల్లో నిర్వహించేందుకు చిత్ర యూనిట్ సన్నాహాలు చేస్తున్నారు.

ఈవెంట్ కోసం ప్రముఖులను ఆహ్వానించే అవకాశం కనిపిస్తోంది. ఆంధ్రప్రదేశ్ ముఖ్యమంత్రి చంద్రబాబు నాయుడు, పవన్ కల్యాణ్ ను ఆహ్వానించారని వారు కూడా వచ్చే అవకాశం ఉందని సమాచారం. కల్కి మూవీని వైజయంతి మూవీస్ నిర్మాణ సంస్థ అశ్వినీ దత్  భారీ బడ్జెట్ తో తెరకెక్కిస్తోంది. అమితాబ్ బచ్చన్, కమల్ హాసన్, దీపికా పదుకొనే లాంటి తారాగణం ఈ మూవీలో నటిస్తుండటంతో సినిమాపై ఊహకందని అంచనాలు పెరిగిపోయాయి.

దిశా పటాని కూడా ఈ మూవీలోో కీలక రోల్ చేస్తున్నట్లు సమాచారం. నాగ్ అశ్విన్ తెరకెక్కిస్తున్న ఈ చిత్రంపై ప్రభాస్ ఫ్యాన్స్ విపరీతమైన అంచనాలు పెంచుకున్నారు. ఈ పాన్ ఇండియా మూవీపై బాలీవుడ్ అగ్రతారలు, టాలీవుడ్, కోలీవుడ్, ఇలా అన్ని సినీ ఇండస్ట్రీలకు చెందిన వారు ఒక కన్నేశారని తెలుస్తోంది. సినిమా ఎలా ఉండబోతుందనే ఉత్కంఠ వారిలోనూ పెరిగిపోయినట్లు టాక్. మరి ట్రైలర్ కోసం రేపటి వరకు ఆగక తప్పదు.