Rare Picture : దిగ్గజ నటుల అరుదైన చిత్రం వైరల్

Rare Picture of Savitri and NTR

Rare Picture : తెలుగునాట సీనియర్ ఎన్టీఆర్  హీరోగా ఎంతటి పేరుందో అందరికీ తెలిసిందే. తన నటనతో మంత్రముగ్ధులను చేశారు ఎన్టీఆర్. జానపదం, పౌరాణికం, సాంఘికం జానర్ ఏదైనా తనకు తానే సాటి అని నిరూపించుకున్నారు. తెలుగులో నంబర్ వన్ హీరోగా ఉన్నా తన తోటి నటులతో మల్టీస్టారర్ చిత్రాలు చేసి ఔరా అనిపించారు. అలాగే తన నిర్మాణ సంస్థలో తన తోటి హీరోలతో సినిమాలు సైతం నిర్మించి ఆశ్చర్యచకితులను చేశారు. ఒక స్టార్ హీరో తన తోటి పోటీ హీరోలతో సినిమాలు నిర్మించడం  బహుశా ఎన్టీఆర్ నాంది పలికి ఉండవచ్చు.

ఆ తర్వాత ఇదే సంప్రదాయాన్ని ఏఎన్నార్, కృష్ణ కూడా కొనసాగించారు. ప్రస్తుత తరంలో హీరో నాగార్జున కూడా అదే సంప్రదాయాన్ని కొనసాగిస్తున్నారు.  ఎంత స్టార్ డమ్ సంపాదించిన కూడా తన తోటి హీరోయిన్లు, నటులను ఎంతో గౌరవించే వారు. అప్పట్లో ముందు హీరోయిన్ల పేర్లు వేసిన తర్వాతే హీరోల పేర్లు వేసేవారు. అప్పట్లో స్టార్ హీరోలకు ఎలాంటి భేషజాలకు వెళ్లే వారు కాదు.

ఇక తెలుగునాట హీరోలతో సమానంగా క్రేజ్ సంపాదించుకున్న వారిలో అలనాటి మేటి నటి సావిత్రి ఒకరు. ఎలాంటి సీన్ అయినా సింగిల్ టేక్ లో ఓకే చేయడంలో సావిత్రిని మించిన వారు లేరనడంలో ఎలాంటి అతిశయోక్తి లేదు. తెలుగుతో పాటు తమిళంలోనూ అంతే స్టా్ర్ డమ్ సావిత్రి సొంతం.  ఒక పాత్రలో ఇమిడిపోవడానికి వారు ప్రత్యేకంగా ప్రయత్నించాల్సిన సందర్భాలు లేవు. తమ సహజమైన ప్రతిభతో, వీరిద్దరూ కోట్లాది ప్రజల హృదయాల్లో శాశ్వతంగా నిలిచిపోయారు. తెలుగువారి గర్వం, ఆత్మగౌరవానికి ప్రతీక ఈ ఇద్దరూ స్టార్లు.

1950లలో వీరిద్దరూ క్లాసిక్ నటించిన చిత్రం మిస్సమ్మ. తెలుగునాట ఈ సినిమాకు ప్రత్యేక స్థానం ఉన్నది. ఈ చిత్రంలో వారిద్దరి నటన అసాధారణం. ఆ సినిమా సమయంలో తీసిన ఓ చిత్రం ఇప్పుడు సోషల్ మీడియాలో వైరల్ గా మారింది.  సావిత్రి సాధారణ కాటన్ చీరలో ఎంతో సింపుల్ కనిస్తున్నారు. సినిమా షూటింగ్ సమయంలో తీసిన ఈ స్టిల్ ఇప్పటి ప్రేక్షకులను సైతం ఆకట్టుకుంటున్నది. కొద్ది రోజుల క్రితం గాయని స్మిత ఈ ఫొటోను సోషల్ మీడియాలో షేర్ చేసి వారిద్దరి పై ఉన్న అభిమానాన్ని చాటుకున్నారు.