PM Narendra Modi : ప్రతి ఒక్కరూ తల్లి పేరు మీద మొక్కను నాటండి: పీఎం నరేంద్ర మోదీ

PM Narendra Modi

PM Narendra Modi : ప్రతి ఒక్కరూ తమతల్లి పేరు మీద మొక్కను నాటాలని పీఎం నరేంద్ర మోదీ పిలుపునిచ్చారు. ప్రపంచ పర్యావరణ దినోత్సవం సందర్భంగా పీఎం నరేంద్ర మోదీ బుధవారం మొక్కలు నాటే కార్యక్రమాన్ని ప్రారంభించారు. దీనిలో భాగంగా ఢిల్లీలోని బుద్ధ జయంతి పార్క్ లో మోదీ ఓ మొక్క నాటారు.

ఈ సందర్భంగా పీఎం మోదీ మాట్లాడుతూ ప్రతి ఒక్కరూ తమ తల్లి పేరు మీద మొక్కను నాటి ఆ ఫొటోలను ఆన్ లైన్ లో పంచుకోవాలని పిలుపునిచ్చారు.  ‘‘సుస్థిర జీవన విధానాలు, ప్రకృతిమాత రక్షణ కోసం మనకున్న నిబద్ధతలో భాగంగా ఈరోజు (బుధవారం) ఉదయం మొక్కను నాటాను. మన భూమిని మరింత మెరుగుపరిచేందుకు మీ అందరి సహకారం అందించాలని కోరుతున్నాను. గత పదేళ్లలో చేసిన సమష్టి ప్రయత్నాలు దేశవ్యాప్తంగా అటవీ ప్రాంతాల విస్తీర్ణం పెంచాయి. దీనిలో స్థానిక సంస్థలు ముందుండడం అభినందనీయం’’ అని ఎక్స్ వేదికగా మోదీ వెల్లడించారు.