Chandrababu : వైసీపీకి 35 సీట్లు కూడా రావు: చంద్రబాబు

Chandrababu

Chandrababu : ఏపీలో వైసీపీకి 35 సీట్లు కూడా రావని, రాష్ట్రంలో రాబోయేది ఎన్డీయే ప్రభుత్వమేనని టీడీపీ అధినేత చంద్రబాబు ధీమా వ్యక్తం చేశారు. విదేశీ పర్యటనను ముగించుకొని వచ్చిన చంద్రబాబును హైదరాబాద్ లోని ఆయన నివాసంలో పలువురు టీడీపీ నేతలు బుధవారం మర్యాదపూర్వకంగా కలిశారు. ఈ సందర్భంగా పార్టీ నాయకులతో సమావేశమైన చంద్రబాబు నాయుడు ఎన్నికల్లో విజయంపై పూర్తి విశ్వాసం వ్యక్తం చేశారు. ఏపీలో మనమే ప్రభుత్వం ఏర్పాటు చేయబోతన్నామని పార్టీ నాయకులతో చెప్పినట్లు తెలుస్తోంది.

ఈ సందర్భంగా ఎన్నికల్లో కష్టపడి పనిచేసిన పార్టీ నాయకులను బాబు అభినందించినట్లు తెలిసింది. వైసీపీ కుట్రల్ని ఎదుర్కొంటూ ఈసీని, అధికార యంత్రాంగాన్ని అప్రమత్తం చేయాలని చంద్రబాబు నాయకులకు సూచించారు. వైసీపీకి 35 సీట్లు రావడం కూడా కష్టమేనని ఆయన అన్నట్లు నేతలు తెలిపారు. చంద్రబాబును కలిసిన వారిలో గోరంట్ల బుచ్చయ్య చౌదరి, కళా వెంకటరావు, కొొల్లు రవీంద్ర, పయ్యావుల కేశవ్, నిమ్మల రామానాయుడు, కేశినేని చిన్ని, వెనిగండ్ల రాము, రఘురామకృష్ణరాజు, భాష్యం ప్రవీణ్, వర్మ తదితరులు ఉన్నారు.