Devara Movie : ఆ ఇద్దరినీ వణికిస్తున్న ‘దేవర’.. అటు ఇటైతే వారి పరిస్థితి ఏంటి?

Devara Movie

Devara Movie : భారీ అంచనాలు, భారీ బడ్జెట్, సీక్వెల్ తో తెరకెక్కుతున్న సినిమా ‘దేవర’. ప్రస్తుతం సినిమా షూటింగ్ చివరి దశకు చేరుకుంది. ఇటీవల ట్రైలర్ కూడా రిలీజ్ చేసిన మేకర్స్.. రిలీజ్ డేట్ కూడా అనౌన్స్ చేశారు. ఆ రోజు వరకు ఎలాగైనా విడుదల చేయాలని షూటింగ్ వేగంగా కొనసాగిస్తున్నారు. గత చిత్రం డిజాస్టర్ కావడంతో ‘దేవర’ను సీరియస్ గా తీసుకున్నాడు కొరటాల శివ. మళ్లీ మరో భారీ హిట్ ఇస్తే తప్ప తను స్టార్ డైరెక్టర్ గా ఇండస్ట్రీలో నిలవడం కష్టం అవుతుందని ఆయనకు తెలుసు. అందుకే కష్టపడుతున్నారు. ఇక  ఆర్ఆర్ఆర్ తో గ్లోబల్ ఇమేజ్ సంపాదించుకున్న యంగ్ టైగర్ ఎన్టీఆర్ ఈ ఇమేజ్ ను కంటిన్యూ చేయాలంటే దేవర హిట్ కావాల్సిందే. ఇది ఇప్పుడు ఇద్దరిని వణికిస్తున్న సినిమా.

ఇప్పటి వరకు లేటెస్ట్ పోస్టర్ తో సహా బయటకు వచ్చిన విషయాలను గమనిస్తే సినిమాకు అవుట్ అండ్ అవుట్ సీరియస్ టోన్ సెట్ అవుతుంది. ‘పుష్ప’ లాంటి సినిమాలు మాస్ బ్యాక్ డ్రాప్ లో తెరకెక్కినప్పటికీ ఎంటర్ టైన్ మెంట్ ను బ్యాలెన్స్ చేయడానికి మాస్ పిచ్చితో పాటు లైట్ టోన్ ను కలిగి ఉంటాయి. కానీ ఇప్పటి వరకు ‘దేవర’ విషయంలో అంతా ఒకటే. ‘కేజీఎఫ్ 2’, ‘సలార్’ తరహాలో పోస్టర్లు, ‘ఫియర్ సాంగ్’ ఈ సినిమాకు డెడ్ సీరియస్ టోన్ సెట్ చేశాయి.

అయితే రీసెంట్ గా ‘దేవర’ హీరోయిన్ జాన్వీ కపూర్ తన పాత్ర చాలా ఎంటర్ టైనింగ్ గా ఉంటుందని చెప్పింది. ప్రస్తుతానికి ‘దేవర’ సీరియస్ టోన్ లో దూసుకెళ్తుండడంతో షిఫ్ట్ ఎలా ఉంటుంది, ఎప్పుడు తేలికపాటి మెటీరియల్ దొరుకుతుందో వేచి చూడాలి. యువసుధ ఆర్ట్స్ పతాకంపై సుధాకర్ మిక్కిలినేని నిర్మించిన దేవర అక్టోబర్ 10న విడుదల కానుంది.