Tirumala : శ్రీవారి దర్శనం.. ఆగస్టు నెల టికెట్లు విడుదల

Tirumala

Tirumala : ఆగస్టు నెలకు సంబంధించిన శ్రీవారి ప్రత్యేక దర్శన టికెట్లను టీటీడీ విడుదల చేసింది. ఈరోజు (మే 24) ఉదయం 11 గంటలకు ఆన్ లైన్ లో టికెట్లను (రూ.300) విడుదల చేసింది. అలాగే తిరుచానూరు పద్మావతి అమ్మవారి టెంపుల్ స్పెషల్ ఎంట్రీ దర్శనం (రూ.200) టికెట్లు కూడా అందుబాటులో ఉన్నాయి. అదే సమయంలో తిరుమల, తిరుపతిలలో ఆగస్టు నెలకు సంబంధించి గదులను ఈరోజు మధ్యాహ్నం 3 గంటలకు ఆన్ లైన్ లో విడుదల చేయనున్నట్లు వెల్లడించింది.

శ్రీవారి సేవా టికెట్లను మే 27న ఉదయం 11 గంటలకు, నవనీత సేవా టికెట్లను మధ్యాహ్నం 12 గంటలకు, పరకామణి సేవ కోటాను మధ్యాహ్నం ఒంటి గంటకు ఆన్ లైన్ లో విడుదల చేయనున్నట్లు తిరుమల తిరుపతి  దేవస్థానం వెల్లడించింది. భక్తులు ttdevasthanams.ap.gov.in వెబ్ సైట్ ద్వారా టికెట్లు బుక్ చేసుకోవచ్చు.