Bollywood Stars : ఓటేసేందుకు భారీగా తరలొచ్చిన బాలీవుడ్ తారాలోకం

Bollywood Stars : దేశంలో సార్వత్రిక ఎన్నికలు సజావుగా కొనసాగుతున్నాయి. మొత్తం ఏడు విడతల ఎన్నికల్లో ఇప్పటికే ఐదు విడతలు పూర్తయ్యాయి. మరో రెండు విడతలు మిగిలి ఉన్నాయి. జూన్ 1న తుది విడత ఎన్నికలు జరుగనున్నాయి. జూన్ 4న ఓట్లు లెక్కించి ఫలితాలు విడుదల అవుతాయి. ఈ సారి ప్రతీ ఓటరు ఓటు వేసేలా ఎన్నికల సంఘం బాగానే కృషి చేసింది. దేశ వ్యాప్తంగా పలువురు ప్రముఖులతో ఓటు వినియోగంపై అవగాహన కల్పించారు. అలాగే సోషల్ మీడియాలో పలు షార్ట్ వీడియోతో ప్రజల్లో చైతన్యం కల్పించారు.

ఇటీవల మే 20న జరిగిన ఐదో విడత ఎన్నికలు ఆరు రాష్ట్రాలు, రెండు కేంద్రపాలిత ప్రాంతాల్లోని 49 నియోజకవర్గాలకు ఓటింగ్ జరిగింది. ఈ సందర్భంగా మహారాష్ట్రలోని ముంబైలో ఓటు వేసేందుకు ఎన్నడూ లేనంతగా బాలీవుడు నటీనటులు, దర్శకులు భారీగా తరలివచ్చారు.

ఓటు వేసేందుకు వచ్చిన వారిలో అమితాబ్ బచ్చన్, షారుఖ్ ఖాన్, సల్మాన్ ఖాన్, అమిర్ ఖాన్, ఆయన మాజీ భార్య కిరణ్ రావు, అక్షయ్ కుమార్,  రణబీర్ కపూర్,  ఐశ్వర్య రాయ్, సంజయ్ దత్, రణవీర్ సింగ్, ఆయన భార్య దీపికా పడుకునే,  వరుణ్ ధావన్, డేవిడ్ ధావన్, సైఫ్ అలీఖాన్, కరీనా కపూర్, జాన్వీ కపూర్, ధర్మేంద్ర, హేమామాలిని, ఇషా దేవోల్, షాహిద్ కపూర్, రణదీప్ హుడా, రేఖ, జాన్వి కపూర్, సోనాక్షి కపూర్, పరేశ్ రావెల్ తదితరులు తరలివచ్చారు.