Mirai : ‘మిరాయ్’లో మంచు మనోజ్.. 20న లుక్..

Mirai

Mirai : హను-మాన్ సినిమాతో తేజ సజ్జకు విపరీతమైన క్రేజ్ వచ్చింది. తన అభిమాన నటుడు మహేశ్ బాబు మూవీ ‘గుంటూరు కారం’ను సైతం ఢీ కొన్నాడు. ఆయన తర్వాతి చిత్రం ‘మిరాయ్’. ఈ మూవీ తారాగణం గురించి చిత్ర నిర్మాతలు శుక్రవారం (మే 18) అప్ డేట్ ఇచ్చారు. ఈ సినిమాలో ఒక లీడ్ రోల్ లో మంచు మనోజ్ నటిస్తున్నారట. ఆయనకు సంబంధించిన లుక్ ను మే 20 (సోమవారం) రోజున విడుదల చేస్తామని చెప్పారు.

ఈ చిత్ర నిర్మాతలు పీపుల్ మీడియా ఫ్యాక్టరీ నుంచి వచ్చిన అధికారిక పోస్ట్ లో ‘పురాతన కథనాల నీడల నుంచి ఒక భారీ శక్తి ఉద్భవిస్తుంది. మైటీ రాకింగ్ స్టార్ మంచు మనోజ్ ఆవిష్కృతం. మే 20 న మిరాయ్ ప్రపంచం నుంచి బ్లాక్ స్వార్డ్.’

గతంలో సూర్య వర్సెస్ సూర్య (2015), రవితేజ నటించిన ఈగిల్ చిత్రాలను తెరకెక్కించిన కార్తీక్ ఘట్టమనేని ఈ ఏడాది ఫిబ్రవరిలో ఈ చిత్రాన్ని ప్రారంభించారు. మిరాయ్ పీపుల్ మీడియా ఫ్యాక్టరీకి 36వ చిత్రం. తేజ సజ్జా సరసన రితికా నాయక్ హీరోయిన్ గా నటిస్తోంది. ఈ చిత్రానికి గౌర హరి సంగీతం, శ్రీనాగేంద్ర తంగళ ఆర్ట్ డైరెక్టర్ గా వ్యవహరిస్తున్నారు.

కొన్ని వారాల క్రితం మిరాయ్ నిర్మాతలు తమ సినిమా టైటిల్, విడుదల తేదీని ప్రకటించారు. ఏప్రిల్, 2025లో మిరాయ్ విడుదల కానుంది. ఈ సినిమా స్టోరీ లైన్ అత్యంత అద్భుతంగా ఉందని, అందుకే తాను హను-మాన్ సీక్వెల్ నుంచి డేట్లను సర్ధుబాటు చేసి మరీ మిరాల్ లో నటిస్తున్నట్లు షూటింగ్ సమయంలో తేజ సజ్జ చెప్పారు.