Venuswamy Prediction : వేణుస్వామి జోష్యం ఫలిస్తుందా..? జగన్ మళ్లీ అధికారంలోకి వస్తాడా?
Venuswamy Prediction
Venuswamy Prediction : సెలబ్రెటీ జ్యోతిష్యుడు వేణు స్వామి గురించి రెండు తెలుగు రాష్ట్రాలకు పరిచయం అవసరం లేదు. ప్రతీ సారి ఏదో ఒక వివాదంతో సెలబ్రెటీలను కంగారు పెట్టిస్తుంటాడు. గతంలో సూపర్ స్టార్ కృష్ణ రెండో భార్య విజయ నిర్మల ఇంట్లో పూజలు, వేడుకలకు ఎక్కువగా హాజరైన ఆయన అప్పటి నుంచి సెలబ్రెటీ జ్యోతిష్యుడిగా మారిపోయాడు. సినీ ఇండస్ట్రీతో పాటు రాజకీయాలపై కూడా ఆయన చేస్తున్న కామెంట్లు సోషల్ మీడియాను సైతం షేక్ చేస్తంటాయి.
వేణు స్వామితో గతంలో నిర్వహించిన ఇంటర్వ్యూలో ఏపీ రాజకీయాలపై ఆయన సంచలన విషయాలను వివరించాడు. ఓ యాంకర్ ఏపీలో ఎవరు గెలుస్తారని సదరు యాంకర్ వేణు స్వామిని ప్రశ్నించింది. దీనికి ఆయన తడబడకుండా టక్కున జగన్ అని చెప్పాడు. కన్ఫ్యూజన్ అయిన యాంకర్ మరో సారి ప్రశ్నించింది. వేణు స్వామి మాత్రం ఏ మాత్రం తడపడకుండా జగన్మోహన్ రెడ్డి 2024, 2029లో రెండు దఫాలుగా ముఖ్యమంత్రి అవుతాడని చెప్పాడు. పైగా 2024 గెలుపు తర్వాత రూలర్ గా మారుతాడని కూడా చెప్పి టీడీపీని కన్ఫ్యూజన్ లోకి నెట్టాడు. ఈ వీడియో ఎక్స్ లో జనవరి 22, 2024న పోస్ట్ అయ్యింది.
— Inturi Ravi Kiran (@InturiKiran7) January 22, 2024
అయితే, ఏపీలో అసెంబ్లీ ఎన్నికలు ముగిశాయి. ఈ నేపథ్యంలో వైసీపీ నాయకులు ఈ వీడియోను విపరీతంగా షేర్ చేయడం మొదలు పెట్టారు. టీడీపీ మాత్రం పోలింగ్ సరళి, ప్రచారంలో పార్టీ అభ్యర్థులకు వచ్చిన ఆదరణ, పొత్తుతో కలిగిన ప్రయోజనాల (ఓటు చీలకుండా)ను బట్టి అంచనా వేస్తే రిజల్ట్ భిన్నంగా కనిపిస్తుందని చెప్తోంది. ‘ఎంత పెద్ద జ్యోతిష్యుడు అయినా చెప్పిన అన్ని విషయాలు జరగవని కొన్ని మిస్ కావచ్చని, అందులో ఇది కూడా ఒకటి కాబోతుందని’ టీడీపీ నాయకులు వీడియోకు కామెంట్లు పెడుతున్నారు.
ఇప్పటికే నియోజకవర్గాల వారీగా బెట్టింగ్ లకు సైతం దిగుతున్న వైసీపీ, టీడీపీ నేతలకు కోతికి బొబ్బరి చిప్ప మాదిరి వేణు స్వామి జోష్యం వీడియో దొరకడంతో ఏపీలో మరింత ఉత్కంఠత పెరిగింది. వేణు స్వామి జ్యోష్యం ఫలిస్తుందా? ఫలించదా? అనేది తెలియాలంటే జూన్ 4 వరకు వేచి ఉండాల్సిందే.