Dune Prophecy : ‘డ్యూన్: ప్రాప్సీ’ ట్రైలర్ వచ్చేసింది.. టబు ఎక్కడ?

Dune Prophecy

Dune Prophecy : ఇండియన్ ఫిల్మ్ ఇండస్ట్రీ తన పరిధులను మరింత విస్తరించుకుంటోంది. మన హీరోయిన్స్ హాలీవుడ్ సినిమాలు, వెబ్ సిరీస్ లలో ఎక్కువగా కనిపిస్తున్నారు. అదే కోవలోకి ఇప్పుడు టబు చేరింది. సీనియర్ యాక్టర్ అయిన టబు హాలీవుడ్ వెబ్ సిరీస్ డ్యూన్ లో నటించింది. అయితే దానికి ప్రీక్వెల్ గా వస్తున్న డ్యూన్: ప్రాప్సీలో దాదాపుగా ఉంది.. కానీ ఇటీవల రిలీజైన ట్రైలర్ లో మాత్రం ఆమె కనిపించలేదు. దీంతో ఇండియన్స్ కాస్త కంగారుగా ఉన్నారు.

కొత్త సైన్స్ ఫిక్షన్ సిరీస్ ‘డ్యూన్: ప్రాప్సీ’ ట్రైలర్ ను మేకర్స్ రిలీజ్ చేశారు. ఈ వెబ్ సిరీస్ కు సంబంధించి ఇండియన్ ఫ్యాన్స్ కు బిగ్ న్యూస్ ఏంటంటే.. సీనియర్ హీరోయిన్ టబు ఒక కీలక పాత్రలో కనిపించనుంది.

ఈ సిరీస్ లో సిస్టర్ ఫ్రాన్సెస్కా అనే పాత్రలో నటి టబు కన్ఫర్మ్ కావడంతో భారతీయ అభిమానులు హర్షం వ్యక్తం చేశారు. అయితే ట్రైలర్ లో టబు గురించి కానీ, ఆమె పాత్ర గురించి కానీ ఎలాంటి క్లియర్ షాట్స్ ఇవ్వలేదు. కొన్ని లాంగ్ షాట్స్ ఉన్నప్పటికీ టబు కనిపిస్తుందని జనాలు అనుకుంటున్నారు కానీ దానిపై క్లారిటీ లేదు. దీంతో ఆమె అభిమానులు నిరాశకు గురవుతున్నారు.

టబు పాత్ర చాలా స్పెషల్ గా ఉంటుందని కొందరు అనుకుంటుంటే.. అది చిన్న భాగం కావచ్చని మరి కొందరు భావిస్తున్నారు. టబు ఉందా.. లేదా.. ఆ పాత్ర చుట్టూ ఉన్న సీక్రెట్ ‘డ్యూన్: ప్రాప్సీ’పై భారతీయుల్లో హైప్ ను పెంచుతోంది. డెనిస్ విల్లెన్యూవ్ దర్శకత్వం వహించిన డ్యూన్ 3 త్వరలోనే ప్రేక్షకుల ముందుకు రానుంది.

టబు ఇప్పటి వరకు రెండు హాలీవుడ్ చిత్రాల్లో నటించారు ఒకటి ది నేమ్‌సేక్ (2006), లైఫ్ ఆఫ్ పై (2012). బాలీవుడ్‌లో ఆమె చివరిసారిగా కృతి సనన్, కరీనా కపూర్‌లతో కలిసి రాజేష్ ఏ కృష్ణన్ దర్శకత్వం వహించిన కామెడీ-హీస్ట్ చిత్రం ‘క్రూ’లో కనిపించారు. ఇటీవలి కాలంలో టబు కొన్ని ఇతర ముఖ్యమైన ప్రదర్శనలలో విశాల్ భరద్వాజ్ యొక్క ఖుఫియా, మీరా నాయర్ నెట్‌ ఫ్లిక్స్ అనుసరణ ఏ సూటబుల్ బాయ్‌లో ఆమె పాత్రలు ఉన్నాయి.